ৰঙিয়া,২৯ ছেপ্টেম্বৰ: নাগৰিক মঞ্চ ৰঙিয়াৰ উদ্যোগত শনিবাৰে সন্ধিয়া ৰঙিয়াৰ ঐতিহাসিক কৃষক শ্বহীদ ভৱনত ৰঙিয়া নগৰৰ পৌৰ সমস্যা সন্দৰ্ভত এক ৰাজহুৱা সভা অনুষ্ঠিত হয় । ৰঙিয়াৰ ৰাইজৰ মৌলিক অধিকাৰ, মৌলিক প্ৰাপ্যকে ধৰি কেইবাটাও গুৰুত্বপূৰ্ণ সমস্যাৰ ওপৰত আলোচনা কৰা হয় সভাখনত । সভাখনত নতুন কৈ আৰম্ভ হোৱা পৌৰ কৰ আৰু অন্যান্য সমস্যাসমূহৰ ওপৰতো বিতংভাৱে আলোচনা কৰা হয় ।
লগতে নগৰখনত বিগত সময়চোৱাত কেনেধৰণৰ উন্নয়নমূলক কাম হ’ল সেই বিষয়ৰ ওপৰতো আলোচনা কৰা হয় । এই সভাখনত ৰঙিয়াৰ প্ৰাক্তন বিধায়ক অনন্ত ডেকা, প্ৰাক্তন বিধায়ক ঘনশ্যাম কলিতা, ৰঙিয়া জ্যেষ্ঠ নাগৰিক, চিকিৎসক, অধিবক্তাকে ধৰি ৰঙিয়া নগৰখনৰ প্ৰত্যেকটো ৱাৰ্ডৰ সচেতন লোক সকলে সভাখনত অংশগ্ৰহণ কৰে । সভাখনৰ অন্তত বিভিন্ন বিষয়ৰ ওপৰত কেইবাটাও প্ৰস্তাৱ গ্ৰহণ কৰা হয় ।
ৰঙিয়া নগৰৰ পৌৰ সমস্যা সন্দৰ্ভত ৰাজহুৱা সভা (ETV Bharat Assam)