গুৱাহাটী, ২২ মে' : গুৱাহাটী মহানগৰীত পুনৰ ভয়ানক পথ দুৰ্ঘটনা । মঙলবাৰে নিশা মহানগৰীৰ গড়চুকত সংঘটিত হয় এই ভয়ংকৰ পথ দুৰ্ঘটনা । দুৰ্ঘটনাটোত এগৰাকী মহিলা নিহত হোৱাৰ লগতে আন এগৰাকী অতি গুৰুতৰভাৱে আহত হয় । এখন স্কুটীক পিছফালৰ পৰা এখন দ্ৰুতবেগী XUV বাহনে খুন্দা মৰাৰ ফলতে সংঘটিত হয় এই ভয়ংকৰ দুৰ্ঘটনাটো ।
উল্লেখ্য যে বৰাগাঁৱৰ পৰা গড়চুক অভিমুখে এখন স্কুটীত গৈ আছিল দুগৰাকী মহিলা । তেনে সময়তে এ এছ-০১ ই বি-১১২৬ নম্বৰৰ এখন XUV 300 বাহনে স্কুটীখনত খুন্দা মাৰে । গাড়ীখনৰ খুন্দাত স্কুটীখনে নিয়ন্ত্ৰণ হেৰুৱাই ৰাষ্ট্ৰীয় ঘাইপথৰ পৰা ছিটিকি গৈ ছাৰ্ভিচ ৰোডত ৰৈ থকা এখন ট্ৰাকত প্ৰচণ্ড জোৰে খুন্দা মাৰে । ফলত থিতাতে নিহত হয় স্কুটী আৰোহী দুগৰাকীৰ মাজৰ এগৰাকী মহিলা । ইফালে আহত আনগৰাকী মহিলাক ততাতৈয়াকৈ হাস্পতালত ভৰ্তি কৰোৱা হয় ।