অবৈধ বালি খননে বিপদ মাতিছে ভোগদৈলৈ
যোৰহাট,২৯ মাৰ্চ: যোৰহাটবাসীৰ আয়ুসৰেখা স্বৰূপ ভোগদৈ নদী । কিন্তু, যোৰহাট নগৰৰ মাজেৰে বৈ যোৱা আৰু যোৰহাটীয়া ৰাইজৰ স্বাভিমান ভোগদৈ এতিয়া মৃত্যুৰ কৰাল গ্ৰাসৰ পিনে গতি কৰা গুৰুতৰ অভিযোগ উথাপিত হৈছে । কাৰণ ভোগদৈৰ বক্ষত ফকলেণ্ড নমাই একাংশ ভু-মাফিয়াই দিনে নিশাই অৱৈধভাৱে খনন কৰি গৈছে বালি আৰু মাটি ।
এইসকল লোকে নিৰ্দিষ্ট স্থানৰ পৰিৱৰ্তে বিভিন্ন স্থানত অৱৈধভাৱে খনন কৰা ফলত বিভিন্ন স্থানত দ-গাঁতৰ সৃষ্টি হৈছে, তাৰ ফলত ভোগদৈৰ গতি পথ প্ৰায়ে সলনি হৈ পৰিছে । তাৎপৰ্যপূৰ্ণ ৰ্যে গিবন আভায়াৰণ্যৰ কাষতেই একাংশই জৈৱ-বৈচিত্ৰ্যৰ প্ৰতি ভাবুকি কঢ়িয়াই নিজৰ ব্যক্তিগত স্বাৰ্থ সিদ্ধি কৰি ভোগদৈৰ বুকুত বালি মাটি খনন কৰাৰ অভিযোগ উত্থাপন হৈছে । এই কাৰ্যত ওতঃপ্ৰোতভাৱে জনৈক মদন নামৰ এজন ব্যক্তি জড়িত থকা গুৰুতৰ অভিযোগ উথাপিত হৈছে ।