গুৱাহাটী : এ পি এছ চি কেলেংকাৰীৰ বিচাৰ প্ৰক্ৰিয়া চলি থকাৰ মাজতে বিশেষ ন্যায়াধীশৰ আদালতে শুকুৰবাৰে এ পি এছ চি কেলেংকাৰিৰ ১৪ অভিযুক্তৰ জামিন আবেদন মঞ্জুৰ কৰে । বিশেষ ন্যায়াধীশৰ আদালতে নিজাববীয়াকৈ এই ১৪ গৰাকীৰ অভিযুক্তৰ নাম অন্তৰ্ভুক্ত কৰিছিল ।
উল্লেখ্য যে, এই কেলেংকাৰীৰ তদন্তকাৰী বিষয়া উপেন কলিতাই বিশেষ ন্যায়াধীশৰ আদালতত শেহতীয়াকৈ দাখিল কৰা অভিযোগনামাত অসন্তুষ্টি প্ৰকাশ কৰি আদালতে অভিযোগনামাৰ এটা অংশ খাৰিজ কৰি নতুনকৈ এই ১৪ গৰাকীৰ অভিযুক্তৰ নাম অন্তৰ্ভুক্ত কৰি বিচাৰ প্ৰক্ৰিয়া কৰাৰ নিৰ্দেশ দিছিল ।
দন্তকাৰী বিষয়া উপেন কলিতাই বিশেষ ন্যায়াধীশৰ আদালতত ১৫৭ পৃষ্ঠাৰ অভিযোগনামা দাখিল কৰিছিল । নিৰ্ধাৰিত সময়তকৈ (১৭ ছেপ্টেম্বৰ) ৫ দিন পূর্বে দাখিল কৰা এই অভিযোগনামাত অভিযুক্ত হিচাপে অন্তর্ভুক্ত হৈছিল ২৩ গৰাকী ৰাজপত্রিত বিষয়াৰ নাম । মন কৰিবলগীয়া যে এছ আই টিৰ অভিযোগনামাত অন্তর্ভুক্ত হোৱা নাছিল ১৪ গৰাকী বিষয়াৰ নাম ।
উল্লেখ্য যে, এ পি এছ চিৰ ২০১৩ আৰু ২০১৪ চনৰ পৰীক্ষাত জালিয়াতিৰে উত্তীৰ্ণ হোৱা বুলি ন্যায়িক তদন্ত আয়োগে চিনাক্ত কৰাৰ পিছতো এই সন্দৰ্ভত অসম আৰক্ষীৰ বিশেষ তদন্ত গোটে (এছ আই টি) সঠিক তদন্ত কৰাত ব্যৰ্থতা প্ৰদৰ্শন কৰিছিল । এই কথা আদালতত উন্মোচিত হৈছিল ।
