সৰ্বভাৰতীয় পৰ্যায়ত ৰাষ্ট্ৰীয় নাগৰিকপঞ্জী উন্নীতকৰণৰ পোষকতা মুখ্যমন্ত্ৰীৰ - Assam CM on NRC
CM Himanta Biswa Sarma: অবৈধ নাগৰিকৰ সমস্যা সমাধানৰ বাবে দেশজুৰি ৰাষ্ট্ৰীয় নাগৰিকপঞ্জী উন্নীতকৰণৰ পোষকতা মুখ্যমন্ত্ৰী ড৹ হিমন্ত বিশ্ব শৰ্মাৰ ৷ সোমবাৰে গুৱাহাটীত এক কাৰ্যসূচীত অংশগ্ৰহণৰ পাছত সংবাদমাধ্যমৰ আগত এই কথা ব্যক্ত কৰে শৰ্মাই ৷ তেওঁ লগতে শুদ্ধ ৰাষ্ট্ৰীয় নাগৰিকপঞ্জী উন্নীতকৰণৰ বাবে সংসদত আলোচনা হ'ব লাগে বুলিও মন্তব্য কৰে ৷
মুখ্যমন্ত্ৰী হিমন্ত বিশ্ব শৰ্মা (ETV Bharat Assam)
গুৱাহাটী, ৩০ ছেপ্টেম্বৰ: সৰ্বভাৰতীয় পৰ্যায়ত এখন শুদ্ধ ৰাষ্ট্ৰীয় নাগৰিকপঞ্জী উন্নীতকৰণৰ পোষকতা কৰিছে মুখ্যমন্ত্ৰী ড৹ হিমন্ত বিশ্ব শৰ্মাই । গুৱাহাটীত সোমবাৰে এক অনুষ্ঠানত অংশ লৈ মুখ্যমন্ত্ৰীয়ে কয়, "অবৈধ নাগৰিকৰ সমস্যাটো অকল অসম বা পশ্চিমবংগৰ সমস্যা নহয় ৷ এতিয়া এই সমস্যাটো সমগ্ৰ দেশৰে সমস্যা হিচাপে পৰিগণিত হৈছে ।"
অন্য ৰাজ্যত আধাৰ কাৰ্ড বনাই আকৌ অসমত আহে:
তেওঁ কয়, "বিদেশী সমস্যা দেশৰ সমস্যা হৈ পৰিছে । বাংলাদেশত অস্থিৰতা সৃষ্টি হোৱাৰ পিছৰ পৰা অসমত দৈনিক বাংলাদেশী নাগৰিকে প্ৰৱেশৰ চেষ্টা কৰি আছে । এই কথা সৰ্বভাৰতীয় পৰ্যায়ত দৃষ্টিগোচৰ কৰাৰ চেষ্টা কৰি আছো । অসম তথা পশ্চিমবংগত বিদেশী প্ৰৱেশ কৰি দেশৰ অন্য ৰাজ্যত গৈ আধাৰ কাৰ্ড বনাই আকৌ অসমলৈ আহে ।"
মুখ্যমন্ত্ৰী হিমন্ত বিশ্ব শৰ্মা (ETV Bharat Assam)
ৰাষ্ট্ৰীয় নাগৰিকপঞ্জী উন্নীতকৰণৰ বাবে সংসদত আলোচনা হ'ব লাগে:
