স্পৰ্টছ ডেস্ক, ৫ জুন :চলিত টি-২০ বিশ্বকাপত জয়েৰে অভিযান আৰম্ভ কৰিছে নেদাৰলেণ্ডে । প্ৰথমখন মেচত নেদাৰলেণ্ডে নেপালক পৰাস্ত কৰে । মঙলবাৰৰ মেচখনত নেদাৰলেণ্ডে ৮ টা বল বাকী থকা অৱস্থাত নেপালক ৬ উইকেটত পৰাস্ত কৰে। আনহাতে, নেদাৰলেণ্ডৰ বেটছমেন মেক্স অ'ডউডে বিজয় লক্ষ্য অনুসৰণ কৰি দলক এক অৰ্ধশতকীয় ইনিংছ উপহাৰ দিয়ে ।
টছত জয়ী হৈ প্ৰথমে বেটিং কৰাৰ সিদ্ধান্ত লোৱা নেপালৰ দলটোৱে ১৯.২ অভাৰত ১০৬ ৰাণত আটাইকেইটা উইকেট হেৰুৱায় । নেপালৰ বেটছমেনসকলৰ প্ৰদৰ্শন অতি দুৰ্বল আছিল। অধিনায়ক ৰোহিচ পেডোলে ৩৭ টা বলত সৰ্বাধিক ৩৫ ৰাণ সংগ্ৰহ কৰে। ইয়াৰ বাহিৰে কোনো এজন বেটছমেনে বিশেষভাৱে প্ৰদৰ্শন কৰিব নোৱাৰিলে। ইয়াৰ বিপৰীতে নেদাৰলেণ্ডৰ বলাৰসকলে সুন্দৰ বলিঙেৰে বিপক্ষৰ বেটছমেনসকলক ধৰাশায়ী কৰে।