স্প’ৰ্টছ ডেস্ক, 26 জুন:ইতিমধ্য়ে টি 20 বিশ্বকাপৰ ছেমি ফাইনেলত উপনীত হৈছে ভাৰত, ইংলেণ্ড, দক্ষিণ আফ্ৰিকা আৰু আফগানিস্তানকে ধৰি চাৰিটাকৈ দল ৷ ভাৰতীয় সময় অনুসৰি দুয়োখন মেচ 27 জুনত অনুষ্ঠিত হ’ব ৷ 27 জুনৰ পুৱা 6 বজাত প্ৰথমখন আৰু সন্ধিয়া 8 বজাত দ্বিতীয়খন মেচ অনুষ্ঠিত হ’ব ৷ এই মেচ দুখনৰ পূৰ্বে আই চি চি-য়ে ঘোষণা কৰিছে আম্পায়াৰৰ নাম ৷
লগতে পঢ়ক:শৃংখলাৰ পৰা বাহিৰ অষ্ট্ৰেলিয়া, টি 20 বিশ্বকাপৰ ছেমি ফাইনেলত আফগানিস্তান - T20 World Cup 2024
অন্তিম চাৰিৰ এই যুঁজত দুয়োখন মেচে আকৰ্ষণীয় হোৱাৰ আশা প্ৰকাশ কৰিছে অনুৰাগীসকলে ৷ ইয়াৰে আফগানিস্তান আৰু দক্ষিণ আফ্ৰিকাৰ মাজত ত্ৰিনিদাদত অনুষ্ঠিত হ’বলগীয়া প্ৰথমখন ছেমি ফাইনেলৰ বাবে ৰিচাৰ্ড ইলিংৱৰ্থ আৰু নীতিন মেননক ফিল্ড আম্পায়াৰ হিচাপে নিযুক্তি দিয়া হৈছে । লগতে ৰিচাৰ্ড কেটেলবৰোক টিভি আম্পায়াৰৰ আৰু আহচান ৰাজাক ফৰ্থ আম্পায়াৰৰ দায়িত্ব দিয়া হৈছে ৷ সাম্ভাব্য বৰষুণৰ বাবে মেচ অনুষ্ঠিত কৰিব পৰা নহ’লে বিকল্প হিচাপে আন এটা দিন ৰখা হৈছে ৷