স্প’ৰ্টছ ডেস্ক, 20 আগষ্ট:ভাৰতৰ প্ৰাক্তন অধিনায়ক তথা বি চি চি আইৰ প্ৰাক্তন অধ্যক্ষ সৌৰভ গাংগুলীয়ে কলকাতাৰ ধৰ্ষণ বলি হোৱা মহিলাগৰাকীৰ ন্যায় লাভৰ বাবে ৰাজপথলৈ ওলাই আহিব । বুধবাৰে পত্নী ড’নাৰ নৃত্য বিদ্যালয় দীক্ষা মঞ্জাৰীয়ে আয়োজন কৰা এক ৰেলীত অংশগ্ৰহণ কৰাৰ সম্ভাৱনা আছে জনপ্ৰিয়ভাৱে দাদা নামেৰে পৰিচিত ভাৰতীয় প্ৰাক্তন অধিনায়কগৰাকীয়ে ।
আৰ জি কৰ চিকিৎসা মহাবিদ্যালয় আৰু চিকিৎসালয়ৰ এগৰাকী মহিলা চিকিৎসকক নৃশংস ধৰ্ষণ আৰু হত্যাৰ প্ৰতিবাদত ৯ আগষ্টত এই সমাৱেশৰ আয়োজন কৰা হৈছে । এই ৰেলীত ডোনা বিদ্যালয়ৰ সকলো প্ৰশিক্ষাৰ্থীয়ে বেহালাৰ মাজেৰে চৌৰাস্তাৰ দিশে যাত্ৰা কৰিব । সন্ধিয়া ৭.৩০ বজাৰ পৰা আৰম্ভ হ’ব এই ৰেলী ।
ইয়াৰ পূৰ্বে ১৯ আগষ্টত সৌৰভ গাংগুলীয়ে নিজৰ ছ’চিয়েল মিডিয়া প্ৰফাইলত ক’লা ৰঙৰ বেনাৰ লগাইছিল । ইয়াৰ বাবে গাংগুলীয়ে তীব্ৰ সমালোচনাৰ সন্মুখীন হ’বলগীয়া হৈছিল । কাৰণ ব্যৱহাৰকাৰীসকলে তেওঁক মুকলিকৈ প্ৰতিবাদ কৰিবলৈ আহ্বান জনাইছিল । হয়তো সেইবাবেই এতিয়া গাংগুলীয়ে প্ৰতিবাদত অংশ লোৱাৰ সিদ্ধান্ত লৈছে ।
নেটিজেনে গাংগুলীক তেওঁৰ প্ৰফাইল পিকচাৰ ক’লা কৰাৰ বাবে সমালোচনা কৰাৰ লগতে তেওঁক বহুত ঠাট্টা-মস্কৰা কৰে । গাংগুলীৰ সংবেদনহীন মন্তব্যৰ পিছত বহুতে তেওঁক শ্ব’ অফ কৰা বুলিও সমালোচনা কৰে । একাংশ ব্যৱহাৰকাৰীয়ে তেওঁৰ বক্তব্যৰ বাবে ক্ষমা খুজিবলৈও কয় । এজন ইউজাৰে লিখিছে, "মোৰ বাবে কলকাতা মানে তুমি, মই তোমাক কলকাতাৰ ৰাজকুমাৰ বুলি গণ্য কৰোঁ, সেই বাক্যৰ বাবে তুমি ক্ষমা বিচৰা উচিত ।"