স্প’ৰ্টছ ডেস্ক, 23 ছেপ্টেম্বৰ:ভাৰত-বাংলাদেশৰ মাজত অনুষ্ঠিত টেষ্ট শৃংখলাত ভাৰতে লাভ কৰিছে 1-0 ৰ অগ্ৰগতি ৷ চেন্নাইত অনুষ্ঠিত প্ৰথমখন টেষ্টত ভাৰতে জয় লাভ কৰি এই অগ্ৰগতি লাভ কৰে ৷ চেন্নাই টেষ্টত ভাৰতৰ হৈ ঋষভ পন্তে এক সুন্দৰ ইনিংছ খেলি অৰ্জন কৰিছিল শতক ৷
দীৰ্ঘসময়ৰ অন্তত ক্ৰিকেটলৈ প্ৰত্যাৱৰ্তন ঘটোৱাৰ পিছত পন্তে চেন্নাই টেষ্টত শুভমন গিলৰ সৈতেও আগবঢ়াই গুৰুত্বপূৰ্ণ অংশীদাৰিত্ব ৷ অৱশ্যে মেচখনত পন্তৰ উইকেট হেৰুওৱাৰ পিছত গিলেও অৰ্জন কৰিছিল শতক ৷
শেহতীয়াকৈ বি চি চি আইয়ে পন্ত সন্দৰ্ভত প্ৰকাশ কৰিছে এক বিশেষ ভিডিঅ’ ৷ এই ভিডিঅ’টোত পন্তে নিজৰ প্ৰত্যাৱৰ্তনৰ উপৰিও গিলৰ সৈতে কৰা অংশীদাৰিত্ব সন্দৰ্ভত বহু কথাই প্ৰকাশ কৰিছে ৷ ভিডিঅ’টোত পন্তে "মই বহুত সুখী, এনেকুৱাও নহয় যে মই অত্যাধিক সুখী ৷ কিন্তু মই কালি যি কৰিছিলো, তাক লৈ মই বহুত সুখী" বুলি অনুভৱ ব্যক্ত কৰে ৷
আনহাতে, চেন্নাই টেষ্টত গিলৰ সৈতে হোৱা অংশীদাৰিত্ব সম্পৰ্কত পন্তে কয়, "মই দীৰ্ঘদিন ধৰি বিশ্বাস কৰি আহিছো যে, যেতিয়া আপোনাৰ খেলপথাৰৰ বাহিৰত আৰু খেলপথাৰৰ ভিতৰত ভাল সম্পৰ্ক থাকে, সেইটোৱে আপোনাৰ সৈতে থকা খেলুৱৈজনৰ সৈতে বেটিং কৰাত যথেষ্ট সহায় কৰে । যেতিয়া আপোনাৰ শিপাৰ সৈতে সু-সম্পৰ্ক থাকে, আপুনি জানে যে তেওঁ কেনেদৰে ভাবে, তেওঁ খেলখন কেনেদৰে আগুৱাই লৈ যায় । এনে সময়ত কিছুমান আমোদজনক ঘটনাও ঘটে ৷ শেষত আমি উৎকৃষ্ট অংশীদাৰিত্ব সংযোজন কৰিব বিচাৰো" ।
"ক্ৰিকেটৰ বিষয়ে মোৰ বুজাবুজি হৈছে যে, আপুনি যি পক্ষৰ পৰাই খেলে ক্ৰিকেট উন্নত হোৱা উচিত । মই মাত্ৰ আন দলটোক সহায় কৰিবলৈ চেষ্টা কৰি আছিলো, যাক আপুনি ইয়াত ফিল্ডাৰ ৰাখিব পাৰে । এয়া আশ্চৰ্যজনক আছিল যদিও মই ইয়াক উপভোগ কৰিছিলো" বুলি ঋষভ পন্তে ভিডিঅ’টোত সদৰী কৰে ।
লগতে পঢ়ক:কানপুৰৰ গ্ৰীণপাৰ্ক ষ্টেডিয়াম পৰিদৰ্শন বি চি চি আইৰ উপ-সভাপতি ৰাজীৱ শুক্লাৰ - IND VS BAN 2ND TEST
