স্প’ৰ্টছ ডেস্ক: অনুৰাগীৰ মাজত জনপ্ৰিয়ভাৱে ‘কেপ্তেইন কুল’ আৰু ‘থালা’ নামেৰে জনাজাত ভাৰতীয় ক্ৰিকেট দলৰ প্ৰাক্তন অধিনায়ক মহেন্দ্ৰ সিং ধোনী ৷ ক্ৰিকেটাৰগৰাকী কেৱল খেলপথাৰৰ দক্ষতাৰ বাবেই নহয়, আন বহুতো কাৰণতো জনাজাত অনুৰাগীৰ মাজত ৷
খেলপথাৰৰ বাহিৰত ধোনী মটৰ চাইকেলৰ প্ৰতি অতি আকৰ্ষিত ৷ তেওঁৰ আকৰ্ষণীয় মটৰ চাইকেলৰ সংগ্ৰহত বিশ্বৰ একাংশ দামী-দামী বাইকো অন্তৰ্ভুক্ত আছে । এই প্ৰতিবেদনত আমি এইগৰাকী ক্ৰিকেট কিংবদন্তিয়ে ক্ৰয় কৰা বিশ্বৰ 5 খন সৰ্বাধিক দামী আৰু বিলাসী বাইকৰ বিষয়ে উল্লেখ কৰিম ৷
1. কনফেডাৰেট এক্স 132
এইখন মটৰ চাইকেল বিশ্বৰ আটাইতকৈ বিৰল বাইকবোৰৰ ভিতৰত অন্যতম ৷ যাৰ মূল্য 60 লাখৰ পৰা প্ৰায় 80 লাখ পৰ্যন্ত ৷ কনফেডাৰেট এক্স 132 হেলকেট হৈছে ধোনীৰ সংগ্ৰহৰ ভিতৰৰ এক মূল্যৱান বাইক । ই 2.2-লিটাৰ ভি-2 ইঞ্জিনৰ দ্বাৰা চালিত, যি 121 বি এইচ পি আৰু 190 এন এম টৰ্ক প্ৰস্তুত কৰে ৷ লগতে আছে 5-গিয়াৰ ট্ৰেন্সমিচন । এইখন ধোনীৰ সংগ্ৰহৰ ভিতৰৰ সৰ্বাধিক ব্যয়বহুল বাইক ।
কনফেডাৰেট এক্স 132 (IANS Photo) 2. কাৱাচাকি নিনজা এইচ 2
এই বাইকখনৰ মূল্য প্ৰায় 34 লাখ টকা ৷ এম এছ ধোনী আছিল কাৱাচাকি নিনজা এইচ 2 ৰ গৰাকী হোৱা প্ৰথম ভাৰতীয় । এই চুপাৰ বাইকখন 4-চিলিণ্ডাৰ চুপাৰচাৰ্জড 998 চি চি ইঞ্জিনৰ দ্বাৰা চালিত, যি 11,500 আৰ পি এমত 231 পি এছ আৰু 11,000 আৰ পি এমত 141.7 এন এম টৰ্ক প্ৰস্তুত কৰে ।
কাৱাচাকি নিনজা এইচ 2 (IANS Photo) 3. ডুকাটি 1098
ইয়াৰ মূল্য 25 লাখৰ পৰা 30 লাখৰ ভিতৰত ৷ ধোনীৰ গেৰেজৰ আন এটা মূল্যৱান ৰত্ন হিচাপে পৰিচিত এইখন মটৰ চাইকেল । এই সীমিত সংস্কৰণৰ বাইকখনত আছে 1098 চি চি ইঞ্জিন, যিয়ে 160 পি এছ শক্তি উৎপন্ন কৰে । ডুকাটি 1098 ইয়াৰ প্ৰদৰ্শন আৰু ডিজাইনৰ বাবে জনাজাত ।
4. নৰ্টন কমাণ্ডো 961
প্ৰায় 20 লাখ টকা মূল্যৰ নৰ্টন কমাণ্ডো 961 হৈছে এক ব্ৰিটিছ ক্লাছিক বাইক, যি ইয়াৰ আধুনিক ডিজাইন আৰু সহজ যাত্ৰাৰ বাবে পৰিচিত । এইখন বাইকৰ প্ৰতি থকা ধোনীৰ আগ্ৰহে ভিণ্টেজ বাইকৰ প্ৰতি তেওঁৰ আকৰ্ষণক প্ৰতিফলিত কৰে । ই 961 চি চি সমান্তৰাল-টুইন ইঞ্জিনৰ দ্বাৰা চালিত, যি 80 এইচ পি পাৱাৰ আৰু 90 এন এম টৰ্ক প্ৰস্তুত কৰে । এই বাইকখনৰ সৰ্বাধিক গতি হৈছে 200 কিল’মিটাৰ/ঘণ্টা । এই বাইকখন সমগ্ৰ বিশ্বতে ইয়াৰ ক্লাছিক ষ্টাইলিছ চেহেৰাৰ বাবে জনাজাত ।
নৰ্টন কমাণ্ডো 961 (IANS Photo) 5. হাৰ্লি ডেভিডচন ফেট বয়
17 লাখৰ পৰা আৰম্ভ কৰি 22 লাখৰ ভিতৰত ক্ৰয় কৰিব পাৰে এইখন বাইক ৷ ভাৰতৰ প্ৰাক্তন অধিনায়ক ধোনীৰ শীৰ্ষ 5 খন বাইকৰ ভিতৰত আছে আইকনিক হাৰ্লি ডেভিডচন ফেট বয় । বাইকখন 1690 চি চি ভি-টুইন ইঞ্জিনৰ দ্বাৰা চালিত, যি বায়ু শীতল কৰি ৰখাৰ লগতে আৰু 5250 আৰ পি এমত 77.78 পি এছ আৰু 3250 আৰ পি এমত 132 এন এম টৰ্ক প্ৰস্তুত কৰে । ফেট বয় হৈছে এটা ক্লাছিক আমেৰিকান ক্ৰুজাৰৰ এক আশ্চৰ্যকৰ উদাহৰণ ।
হাৰ্লি ডেভিডচন ফেট বয় (IANS Photo) এম এছ ধোনীৰ মটৰ চাইকেলৰ প্ৰতি থকা আকৰ্ষণ ক্ৰিকেটৰ প্ৰতি থকা তেওঁৰ প্ৰেমৰ দৰেই গভীৰ ৷ ক্ৰিকেটাৰগৰাকীৰ গেৰেজৰ প্ৰতিখন বাইক যিকোনো বাইকপ্ৰেমীৰ বাবে আকৰ্ষণৰ কেন্দ্ৰস্থল ৷
লগতে পঢ়ক:আই পি এলৰ ইতিহাসৰ সৰ্বাধিক দামী খেলুৱৈসকল...
