স্প’ৰ্টছ ডেস্ক: ইণ্ডিয়ান প্ৰিমিয়াৰ লীগ চমুকৈ আই পি এলৰ মেগা নিলামৰ দ্বিতীয় দিনটোত জেদ্দাত 205 গৰাকী খেলুৱৈক বিড কৰা হৈছিল । নিলামত বিভিন্ন দলে 77 গৰাকী খেলুৱৈক ক্ৰয় কৰে ।
তাৰ পিছত নিলামৰ এক ত্বৰান্বিত ৰাউণ্ড আছিল, য'ত আটাইকেইটা দলে 33 গৰাকী খেলুৱৈৰ বাবে বিড কৰি তেওঁলোকক নিজৰ নিজৰ দলত অন্তৰ্ভুক্ত কৰিছিল । এনেদৰে 10 টা ফ্ৰেঞ্চাইজিয়ে মুঠ 110 গৰাকী খেলুৱৈক নিজৰ দলত অন্তৰ্ভুক্ত কৰে ৷
একে সময়তে 86 গৰাকী খেলুৱৈয়ে নিলামৰ দ্বিতীয় দিনা বিচাৰি পোৱা নাছিল কোনো ক্ৰেতা । ইয়াৰ বাহিৰেও নিলামৰ ত্বৰান্বিত ৰাউণ্ডতো 9 গৰাকী খেলুৱৈ বিক্ৰী নোহোৱাকৈ আছিল । এনেদৰে দুয়োটা দিন মিলি মুঠ 95 গৰাকী খেলুৱৈৰ বাবে নোলাল কোনো ক্ৰেতা ৷
আই পি এল নিলামৰ দ্বিতীয় দিনটোৰ সৰ্বাধিক চৰ্চিত বিষয়টো আছিল বিহাৰৰ 13 বছৰীয়া খেলুৱৈ বৈভৱ সূৰ্যবংশীক 30 লাখ বেছ মূল্যৰ পৰা একেকোবে 1.10 কোটি টকাত ক্ৰয় কৰাটো ৷ বৈভৱ হৈছে আই পি এলৰ ইতিহাসত কোনো দলে ক্ৰয় কৰা সকলোতকৈ কম বয়সৰ খেলুৱৈ । ক্ৰিকেটাৰগৰাকীক ক্ৰয় কৰে ৰাজস্থান ৰয়েলছে ৷
এই প্ৰতিবেদনত আই পি এল নিলামত বিক্ৰী আৰু বিক্ৰী নোহোৱা সকলো খেলুৱৈসকলৰ নাম, তথ্যৰ লগতে তেওঁলোকক কোনটো দলে কিমান টকাত ক্ৰয় কৰিলে, সকলো তথ্য উল্লেখ কৰা হৈছে-