স্প’ৰ্টছ ডেস্ক, 10 মে’ : ইণ্ডিয়ান প্ৰিমিয়াৰ লীগ (আই পি এল) 2024ত 10 মে’ বুধবাৰে লক্ষ্ণৌ ছুপাৰ জায়েন্টছ আৰু ছানৰাইজাৰ্ছ হায়দৰাবাদৰ মাজত এখন খেল অনুষ্ঠিত হয় ৷ এই খেলখনত লক্ষ্ণৌৱে 10 উইকেটত পৰাজয়ৰ সন্মুখীন হয় ৷ এই পৰাজয়ত হতাশ হৈ দলৰ স্বত্বাধিকাৰী সঞ্জীৱ গোৱেংকাই খেলপথাৰতে লক্ষ্ণৌ দলৰ অধিনায়ক কে এল ৰাহুলৰ সৈতে খঙেৰে কথা পতা দেখা গ’ল ৷
এই ভিডিঅ’টোৰ পিতত গোৱেংকা বহু সমালোচনাৰ সন্মুখীন হ’বলগীয়া হৈছিল ৷ বহু বিশেষজ্ঞই কয় যে তেওঁ খেলপথাৰত এনে আচৰণ কৰা উচিত নাছিল ৷ এই বিষয় সন্দৰ্ভত আলোচনা এতিয়াও বন্ধ হোৱা নাই ৷ এতিয়া কলকাতা নাইট ৰাইডাৰ্ছৰ স্বত্বাধিকাৰী শ্বাহৰুখ খানৰ দলটোৰ প্ৰতি কৰা আচৰণ সন্দৰ্ভত প্ৰতিক্ৰিয়া প্ৰকাশ কৰিছে মেণ্টৰ গৌতম গম্ভীৰ ৷ অৱশ্যে তেওঁ কৈছে যে কিং খানৰ খেলুৱৈৰ প্ৰতি অতি ভাল আচৰণ আছে আৰু তেওঁ সকলোকে সমৰ্থন কৰে ৷
শেহতীয়াকৈ এটা ক্ৰীড়া ৱেবছাইটক দিয়া এক সাক্ষাৎকাৰত কলকাতা নাইট ৰাইডাৰ্ছৰ প্ৰশিক্ষক গৌতম গম্ভীয়ে কয় যে- ‘মই এতিয়ালৈকে কাম কৰা সকলো মালিকৰ ভিতৰত শ্বাহৰুখ খান শ্ৰেষ্ঠ বছ ৷ কে কে আৰ দলত ক্ৰিকেটৰ বিষয়ত তেওঁ কেতিয়াও হস্তক্ষেপ কৰা নাছিল ৷ তেওঁ মোক বিশ্বাস কৰে আৰু মোৰ সিদ্ধান্তক সমৰ্থন কৰে ৷' তেওঁ আৰু কয়- ‘অধিনায়ক, প্ৰশিক্ষক আৰু মালিকৰ মাজৰ সম্পৰ্ক অতি গুৰুত্বপূৰ্ণ ৷'
প্ৰথম খন খেলৰ ভিত্তিত সমালোচনা কৰাটো ভুল বুলি গৌতম গম্ভীয়ে কয় যে- ‘বিশেষকৈ ভাৰতত কেতিয়াবা বিশেষজ্ঞ হিচাপে, মালিক হিচাপে আমি মাত্ৰ এটা মিনিট আৰু এখন মেচৰ ভিত্তিত সমালোচনা কৰিবলৈ আৰম্ভ কৰোঁ ৷ সেই পৰিস্থিতিত থাকি সেই হেঁচা জানিলে সমালোচনা কৰা উচিত ৷ এইবোৰ কথা শ্বাহৰুখ খানে জানে ৷ সেই সংগ্ৰাম আৰু হেঁচা তেওঁ জানে ৷'
লগতে পঢ়ক :সলনি হ'ব ভাৰতীয় ক্ৰিকেট দলৰ প্ৰশিক্ষক ! - Head Coach Of Team India
