স্প’ৰ্টছ ডেস্ক, 6 অক্টোবৰ:আই চি চি মহিলা টি-20 বিশ্বকাপ 2024 ত ভাৰতে দ্বিতীয়খন খেলত মুখামুখি হ’ব পাকিস্তানৰ ৷ দেওবাৰে ডুবাইত অনুষ্ঠিত হ’বলগীয়া এই মেচখনৰ ভাৰতৰ অধিনায়কৰ দায়িত্বত আছে হৰমনপ্ৰীত কৌৰ ৷ বিপৰীতে পাকিস্তানৰ দলটোৰ নেতৃত্ব বহন কৰিব ফাতিমা ছানাই ৷
মেচখনৰ টছ অনুষ্ঠিত হ’ব আবেলি 3 বজাত ৷ লগতে ইয়াৰ সম্প্ৰচাৰ 3.30 বজাৰ পৰা অনুষ্ঠিত হ’ব ৷ ক্ৰিকেটপ্ৰেমীসকলে ষ্টাৰ স্প’ৰ্টছ নেটৱৰ্কত এই মেচখনৰ পোনপটীয়া সম্প্ৰচাৰ উপভোগ কৰিব পাৰিব ৷ সমান্তৰালকৈ মেচখনৰ লাইভ ষ্ট্ৰীমিং ডিজনী প্লাছ হটষ্টাৰত কৰা হ'ব ।
শৃংখলাৰ প্ৰথমখন মেচত নিউজিলেণ্ডৰ হাতত 58 ৰাণত পৰাজিত হোৱাৰ পিছত ভাৰতীয় দলটো সন্মুখীন হ’ব পাকিস্তানৰ ৷ পাকিস্তানে ইতিমধ্যে শ্ৰীলংকাক 31 ৰাণত পৰাস্ত কৰি আত্মবিশ্বাস অটুট ৰাখিছে ৷
ভাৰত-পাকিস্তানৰ মুখামুখি
ভাৰত আৰু পাকিস্তানৰ মহিলা ক্ৰিকেট দলৰ মাজত এতিয়ালৈকে অনুষ্ঠিত হৈছে মুঠ 15 খন টি-20 মেচ ৷ ভাৰতীয় ক্ৰিকেট দলে ইয়াৰে 12 খন মেচত জয় লাভ কৰাৰ বিপৰীতে পাকিস্তানে জিকিছে মাত্ৰ 3 খন মেচতহে ৷
ডুবাই ষ্টেডিয়ামৰ পিটচ ৰিপ’ৰ্ট