স্প’ৰ্টছ ডেস্ক: বাংলাদেশ আৰু ৱেষ্ট ইণ্ডিজৰ মাজৰ প্ৰথমখন টি-20 মেচ সোমবাৰে ছেইণ্ট ভিনচেণ্টৰ আৰ্নোছ ভেল গ্ৰাউণ্ডত অনুষ্ঠিত হৈছিল । তিনিখন মেচৰ এদিনীয়া শৃংখলাত 0-3 ত পৰাজিত হোৱাৰ পিছত বাংলাদেশে প্ৰথমখন টি-20 ত প্ৰত্যাৱৰ্তন ঘটাই ঘৰৰ মাটিতে ৱেষ্ট ইণ্ডিজক পৰাস্ত কৰে ৷
ঘৰুৱা টি-20 শৃংখলাত প্ৰথমবাৰৰ বাবে পৰাস্ত ৱেষ্ট ইণ্ডিজ
তাৰকা অলৰাউণ্ডাৰ মেহিদী হাছানৰ দুৰ্দান্ত প্ৰদৰ্শনৰ বাবে বাংলাদেশে প্ৰথমখন টি-20 ত ৱেষ্ট ইণ্ডিজক 7 ৰাণত পৰাস্ত কৰিবলৈ সক্ষম হয় । বাংলাদেশৰ এই জয় আছিল অতি বিশেষ, কাৰণ দলটোৱে ৱেষ্ট ইণ্ডিজক কোনো টি-20 আন্তঃৰাষ্ট্ৰীয় মেচত ঘৰৰ মাটিতে পৰাস্ত কৰে ।
মেহিদী হাছান আছিল জয়ৰ নায়ক
বাংলাদেশৰ ঐতিহাসিক এই বিজয়ৰ নায়ক আছিল মেহিদী হাছানে ৷ খেলুৱৈগৰাকীয়ে প্ৰতিপক্ষৰ 4 টাকৈ উইকেট দখল কৰাৰ লগতে 26 ৰাণৰ গুৰুত্বপূৰ্ণ ইনিংছ খেলি দলৰ বিজয়ত গুৰুত্বপূৰ্ণ ভূমিকা পালন কৰে । মেহিদীৰ এই প্ৰদৰ্শনৰ বাবে তেওঁক প্ৰদান কৰা হয় প্লেয়াৰ অৱ দ্য মেচৰ বঁটা ৷
কেনেকৈ সম্ভৱ হ’ল বাংলাদেশৰ এই ঐতিহাসিক বিজয় ?
ৱেষ্ট ইণ্ডিজৰ অধিনায়ক ৰোভমেন পাৱেলে টছত জয়ী হৈ প্ৰথমে বলিং কৰাৰ সিদ্ধান্ত গ্ৰহণ কৰে ৷ বলাৰসকলৰ বিস্ফোৰক প্ৰদৰ্শনৰ বাবে ৱেষ্ট ইণ্ডিজে বাংলাদেশক নিৰ্ধাৰিত 20 অভাৰত 6 টা উইকেটৰ বিনিময়ত 147 ৰাণ ধৰি ৰাখিবলৈ সক্ষম হয় ৷
বাংলাদেশৰ হৈ সৌম্য সৰকাৰে সৰ্বাধিক 47 ৰাণ সংগ্ৰহ কৰে ৷ তাৰোপৰি জাকিৰ আলী আৰু ছামিম হুছেইনে 27 ৰাণকৈ সংগ্ৰহ কৰে । আনহাতে, আকেল হোছেইন আৰু ওবেদ মেককয়ে আয়োজক দলৰ হৈ 2 টাকৈ উইকেট দখল কৰে ।
বাংলাদেশৰ বাবে 147 ৰাণত উপনীত হোৱাটো সহজ নাছিল । অৱশ্যে দলটোৰ বলাৰসকলে আৰম্ভণিৰে পৰা কেৰিবিয়ান বেটছমেনসকলৰ ওপৰত হেঁচা প্ৰয়োগ কৰিবলৈ সক্ষম হৈছিল । অধিনায়ক ৰোভমেন পাৱেলৰ উপৰিও ৱেষ্ট ইণ্ডিজৰ বেটছমেনসকলে বাংলাদেশৰ বলাৰসকলৰ মুখামুখি হোৱাত ব্যৰ্থ হয় ।
পাৱেলে 60 ৰাণৰ এক সুন্দৰ ইনিংছ খেলাৰ লগতে খেলখনৰ অন্তিম অভাৰত ৰোমাৰিঅ’ শ্বেফৰ্ডে (22) একাংশ দৰ্শনীয় শ্বট কোবোৱা দেখা গৈছিল ৷ তাৰপিছতো কিন্তু বাংলাদেশে ৱেষ্ট ইণ্ডিজক 19.5 অভাৰত 140 ৰাণত ধৰি ৰাখিবলৈ সক্ষম হয় ৷ বাংলাদেশৰ হৈ মেহিদী হাছানে 4 টা, হাছান মাহমুদ আৰু তাস্কিন আহমেদে 2 টাকৈ উইকেট দখল কৰে ।
অন্তিম অভাৰত ব্যৰ্থ ৱেষ্ট ইণ্ডিজ
ৱেষ্ট ইণ্ডিজক খেলখন জিকিবলৈ অন্তিম অভাৰত 10 ৰাণৰ প্ৰয়োজন আছিল ৷ কিন্তু বাংলাদেশৰ সোঁহতীয়া তাৰকা ফাষ্ট বলাৰ হাছান মাহমুদে প্ৰতিপক্ষক সেয়া কৰাত বাধা প্ৰদান কৰিবলৈ সক্ষম হয় ৷ মাহমুদে খেলখনৰ অন্তিম অভাৰত মাত্ৰ 2 ৰাণ ব্যয় কৰি ৰোভমেন পাৱেল (60) আৰু এলজাৰি জোছেফ (9) ৰ উইকেট দখল কৰি দলক আকাংক্ষিত জয় প্ৰদান কৰে ।
লগতে পঢ়ক:ৰোহিত-বিৰাটে কৰিব নোৱাৰাটো কৰি দেখুৱালে কেন উইলিয়ামছনে
