কলিয়াবৰ, 3 ছেপ্টেম্বৰ:ৰাজ্যজুৰিঅৰ্জুন ভোগেশ্বৰ বৰুৱাৰ 86 সংখ্যক জন্মদিন পালন ৷ কলিয়াবৰত জিলা ক্ৰীড়া সন্থাৰ উদ্যোগত ডাঃ টি আও ষ্টেডিয়ামত থকা অৰ্জুন ভোগেশ্বৰ বৰুৱা পেভিলিয়ন চৌহদত স্বৰ্ণজয়ী দৌৰবিদ অৰ্জুন ভোগেশ্বৰ বৰুৱাৰ জন্মদিনটো ভিন্নৰঙী কাৰ্যসূচীৰে পালন কৰা হয় ।
ভোগেশ্বৰ বৰুৱা অৰ্জুন বঁটাপ্ৰাপ্ত প্ৰথমগৰাকী অসমীয়া ৷ 1966 চনৰ বেংককত অনুষ্ঠিত এছিয়ান গেমছত তেওঁ 800 মিটাৰ দৌৰত সোণৰ পদক অৰ্জন কৰি প্ৰতিযোগিতাত এক নতুন অভিলেখ স্থাপন কৰে । এছিয়ান গেমছতো সোণৰ পদক অৰ্জন কৰা বৰুৱা আছিল প্ৰথমগৰাকী অসমীয়া । সেই বছৰতে অৰ্থাৎ 1966 চনত ভোগেশ্বৰ বৰুৱাক অৰ্জুন বঁটাৰে সন্মানিত কৰা হয় ।
ফুটবল খেলুৱৈৰূপে ক্ৰীড়া জীৱন আৰম্ভ কৰি 1960 চনত ভাৰতীয় সেনা বাহিনীত যোগদান কৰা অৰ্জুনগৰাকীয়ে 1964-1965 চনৰ ৰাষ্ট্ৰীয় এথলেটিক প্ৰতিযোগিতাৰ আছিল স্বৰ্ণ বিজয়ী ৷ অসম চৰকাৰে তেওঁৰ প্ৰতি সন্মান দেখুৱাই প্ৰতিবছৰে 3 ছেপ্তেম্বৰৰ দিনটো অভিৰুচি ক্ৰীড়া দিৱস হিচাপে ৰাজ্যজুৰি বৰ্ণাঢ্য কাৰ্যসূচীৰে পালন কৰে ।