কেলিফৰ্ণিয়া : আমেৰিকাৰ কেলিফৰ্ণিয়াত এখন সৰু বিমান দুৰ্ঘটনাত পতিত হয় । আৰক্ষীয়ে জনোৱা মতে বৃহস্পতিবাৰে দক্ষিণ কেলিফৰ্ণিয়াৰ এক বিশাল আচবাব নিৰ্মাণ কাৰখানাৰ চাদত বাগৰি পৰে বিমানখন । বিমান দুৰ্ঘটনাটোত ২ জন লোকৰ মৃত্যু হয় আৰু ১৮ জন আহত হয় ।
ভিলালোবোছে লগতে কয় যে উৰণৰ পিছতে বিমানখনৰ পাইলটে এয়াৰ ট্ৰেফিক কণ্ট্ৰোলক কৈছিল যে তেওঁ জৰুৰী অৱতৰণ কৰিবলৈ উভতি আহিব, কিন্তু বিমানখনৰ সমস্যাটো কি সেয়া অস্পষ্ট আছিল । বিমানখন দুৰ্ঘটনাত পতিত হোৱা আচবাব নিৰ্মাণ কাৰখানাটোৰ নাম আছিল মাইকেল নিকোলাছ ডিজাইনছ ।
আৰক্ষীয়ে জনোৱা মতে দুৰ্ঘটনাটোৰ পিছতে ১০ জন লোকক চিকিৎসালয়লৈ লৈ যোৱা হয় । আনহাতে তাৰ ভিতৰত ৮ জনক ঘটনাস্থলীতে চিকিৎসাৰ অন্তত যাবলৈ দিয়া হৈছে । আৰক্ষীৰ মতে দুজন লোকৰ মৃত্যু নিশ্চিত ।
বিমান পৰিবহণ বিভাগৰ মতে দুৰ্ঘটনাত পতিত বিমানখন ৪ খন আসনযুক্ত একক ইঞ্জিনৰ ভানছ আৰভি-১০ আছিল । ৰাষ্ট্ৰীয় পৰিবহন সুৰক্ষা ব'ৰ্ডে সামাজিক মাধ্যমৰ পোষ্টত কয় যে দুৰ্ঘটনাটোৰ তদন্ত অব্যাহত আছে ।
