কালি (কলম্বিয়া) : জীৱকুলৰ প্ৰতি আহিছে ভাবুকি ৷ আপুনি জানি আচৰিত হ’ব, সোমবাৰে প্ৰকাশিত এক প্ৰতিবেদন অনুসৰি, বিশ্বজুৰি প্ৰতি তিনিটা প্ৰজাতিৰ ভিতৰত অধিক গছৰ বিলুপ্তিৰ আশংকা আহি পৰিছে ৷ যাৰ ফলত পৃথিৱীত থকা জীৱৰ জীৱন-ধাৰণৰ প্ৰতি ভাবুকি আহি পৰিছে ।
আন্তঃৰাষ্ট্ৰীয় প্ৰকৃতি সংৰক্ষণ সংঘৰ বিপন্ন প্ৰজাতিৰ ৰেড তালিকাৰ (Red List) আপডেটত সন্নিবিষ্ট গ্ল’বেল ট্ৰী এচেছমেণ্টত (International Union for Conservation of Nature চমুকৈ IUCN) এই সতৰ্কবাণী দিয়া হৈছে । কলম্বিয়াৰ কালি চহৰত (Cali city of Colombian) অনুষ্ঠিত হোৱা জৈৱ বৈচিত্ৰ্য সম্পৰ্কীয় ৰাষ্ট্ৰসংঘৰ ‘COP16’ শীৰ্ষ সন্মিলনৰ সৈতে সংগতি ৰাখি প্ৰকাশ কৰা এই প্ৰতিবেদনত কোৱা হৈছে যে ১৬ হাজাৰৰো অধিক গছৰ প্ৰজাতি বিলুপ্ত হোৱাৰ আশংকাত আছে ।
বিশ্বত থকা আনুমানিক ৫৮ হাজাৰ প্ৰজাতিৰ ভিতৰত ৪৭ হাজাৰতকৈ অধিক প্ৰজাতিৰ এই অধ্যয়নৰ বাবে মূল্যায়ন কৰা হৈছিল । কাঠৰ বাবে নাইবা খেতি আৰু মানুহৰ সম্প্ৰসাৰণৰ বাবেও গছ কাটি দিয়া হয় । খৰাং বা জলবায়ু পৰিৱৰ্তনৰ বাবেও অতিৰিক্ত ইয়ালৈ ভাবুকি আহি পৰিছে । এই সংখ্যাবোৰ কেৱল প্ৰতীকী নহয় ।
২০১৫ চনৰ এক অধ্যয়নত অনুমান কৰা হৈছে যে পৃথিৱীত প্ৰায় তিনি ট্ৰিলিয়ন ব্যক্তিগত গছ আছে । বিজ্ঞান আলোচনী নেচাৰত প্ৰকাশিত এই অধ্যয়নত অনুমান কৰা হৈছে যে প্ৰতি বছৰে ১৫ বিলিয়নতকৈ অধিক গছ কাটি পেলোৱা হয় আৰু মানৱ সভ্যতাৰ আৰম্ভণিৰ পৰাই বিশ্বজুৰি গছৰ সংখ্যা প্ৰায় আধা হ্ৰাস পাইছে ।
