বিভিন্ন ৰোগৰ পৰা আৰোগ্য লাভৰ বাবে বিভিন্ন চিকিৎসা পদ্ধতি ব্যৱহাৰ কৰা হয় । তাহানিৰ পৰাই থেৰাপী চিকিৎসা প্ৰচলিত হৈ আহিছে । এই থেৰাপীবোৰৰ ভিতৰত অন্যতম হৈছে মিউজিক থেৰাপী । দেশৰ বিভিন্ন প্ৰান্তৰ লগতে ৰাজ্যত মিউজিক থেৰাপীয়ে লাহে লাহে জনপ্ৰিয়তা লাভ কৰিছে । এই মিউজিক থেৰাপী বা সংগীত চিকিৎসা নো কি তথা এই বিষয়ে সংগীত চিকিৎসক অনুভূতি কাকতি গোস্বামীয়ে ই টি ভি ভাৰতৰ আগত কি ক’লে সবিশেষ পঢ়ক-
মিউজিক থেৰাপী বা সংগীত চিকিৎসা মানে হ'ল সংগীতৰ জৰিয়তে এজন মানুহৰ শৰীৰক মানসিক, আৱেগিক বা জ্ঞান কেন্দ্ৰীক কিছু অসুস্থতা ,বিকাশৰ সমস্যা দূৰ কৰিবলৈ মিউজিক থেৰাপীৰ জৰিয়তে আৰোগ্য লাভ কৰাত সহায় । মিউজিক থেৰাপী বিভিন্ন ধৰণে ব্যৱহাৰ কৰা হয় । শ্ৰৱণৰ জৰিয়তেও মিউজিক থেৰাপী দিব পাৰে বা এজন লোকক গান গাই, গান লিখি , বাদ্য বজাই আদি ধৰণেও মিউজিক থেৰাপী দিয়া হয় ।
মিউজিক থেৰাপী কি ? ই আপোনাৰ স্বাস্থ্যৰ পক্ষে কিমান উপকাৰী জানেনে (ETV Bharat Assam)
