Sawan Shivratri 2024: ভাৰতীয় হিন্দু ধৰ্মৰ এটা বিশেষ উৎসৱ হৈছে শাওনৰ শিৱৰাত্ৰি । হিন্দুধৰ্মৰ আৰাধ্য দেৱ শিৱৰ উপাসনাৰ উদ্দেশ্যে প্ৰতিবছৰে এই উৎসৱ পালন কৰা হয় । জানো আহক এই দিনটোৰ বিশেষত্বৰ লগতে ব্ৰত ৰখাৰ লাভালাভ তথা পূজা বিধি ৷
হিন্দু ধৰ্মত শিৱৰাত্ৰিত উপবাস অতি গুৰুত্বপূৰ্ণ বুলি গণ্য কৰা হয় । এই ব্ৰত পালন কৰি ভগৱান শিৱ আৰু মা পাৰ্বতীৰ আশীৰ্বাদ লাভ কৰিব পাৰি । এই ব্ৰতৰ প্ৰভাৱৰ বাবে এজন ব্যক্তিয়ে বহু ধৰণৰ উপকাৰিতা লাভ কৰে । শিৱৰাত্ৰিৰ এই পৱিত্ৰ দিনটোত জলাভিষেক কৰাৰ শুভ সময়, পূজা পদ্ধতি, উপবাস ভংগৰ সময় আৰু লাভালাভ জানি লওক-
শাওনৰ শিৱৰাত্ৰিক হিন্দু ধৰ্মত অতি পবিত্ৰ আৰু বিশেষ বুলি গণ্য কৰা হয় । এই উৎসৱ শাওন মাহৰ কৃষ্ণ পক্ষৰ চতুৰ্দশী তিথিত পালন কৰা হয় । এই দিনটো ভগৱান শিৱৰ পূজাৰ বাবে বিশেষভাৱে গুৰুত্বপূৰ্ণ বুলি গণ্য কৰা হয়, কাৰণ শাওন মাহটো ভগৱান শিৱৰ বাবে অতি প্ৰিয় । আজিৰ দিনটোতে ভক্তসকলে উপবাস পালন কৰি শিৱলিংগক গংগাজল, গাখীৰ, দৈ, মৌ, বেলপত্ৰ আগবঢ়ায়, আৰু পূৰ্ণ ভক্তিৰে ভগৱান শিৱ আৰু মা পাৰ্বতীৰ আৰাধনা কৰে ।
