এই ৫টা কাৰণত শীতকালত নিশ্চয়কৈ খাওক সেউজীয়া বুট

Green Chickpeas During Winter: সেউজীয়া বুট বহুতো পুষ্টিকৰ উপাদানৰে সমৃদ্ধ হোৱাৰ বাবে ই স্বাস্থ্যৰ বাবে অতি উপকাৰী । সেয়ে খাদ্য তালিকাতো ইয়াক অন্তৰ্ভুক্ত কৰিলে বহু উপকাৰিতা সাধন হয় । ইয়াত বহুতো অত্যাৱশ্যকীয় পুষ্টিকৰ উপাদান থাকে যাৰ বাবে ই কেৱল হৃদযন্ত্ৰক সুস্থ কৰি ৰখা নহয়, ৰক্ত শৰ্কৰা নিয়ন্ত্ৰণতো সহায় কৰে । জানো আহক শীতকালত খাদ্য তালিকাত ইয়াক অন্তৰ্ভুক্ত কৰাৰ উপকাৰিতাৰ বিষয়ে জানো আহক-

ফেব্ৰুৱাৰীৰ প্ৰায় আধা মাহ পাৰ হৈ গৈছে যদিও ঠাণ্ডা কম হোৱাৰ কোনো লক্ষণ দেখিবলৈ পোৱা হোৱা নাই ৷ বিগত কেইবাটাও দিনৰ পৰা তাপমাত্ৰা উঠা-নমা কৰি আহিছে ৷ অৱশ্যে বতৰটো এতিয়াও শীতল হৈয়েই আছে ৷ এই সময়ছোৱাত নিজৰ স্বাস্থ্যৰ যত্ন লোৱাটো অতি প্ৰয়োজনীয় ৷

এনে পৰিস্থিতিত যদি আপুনি নিজকে সুস্থ কৰি ৰাখিব পাৰে, তেন্তে ইয়াতকৈ ভাল কথা আৰু কি হ’ব পাৰে ৷ শীতকালত সুস্থ হৈ থাকিবলৈ এই স্বাস্থ্যকৰ বিকল্পসমূহৰ ভিতৰত সেউজীয়া বুট অন্যতম ৷ সেউজীয়া বুটক পুষ্টিৰ ভৰাঁল বুলি ক’লেও ভুল কোৱা নহ’ব, ই আপোনাৰ শৰীৰক বহু স্বাস্থ্য উপকাৰিতা প্ৰদান কৰে ৷ ইয়াৰ কিছুমান আচৰিত উপকাৰিতা সম্পৰ্কে জানো আহক-

• ৰক্ত শৰ্কৰাৰ মাত্ৰা নিয়ন্ত্ৰণ কৰা

সেউজীয়া বুটৰ গ্লাইচেমিক ইনডেক্স কম, অৰ্থাৎ ই ৰক্তশৰ্কৰাৰ মাত্ৰা বৃদ্ধি হোৱাত বাধা দিয়ে ৷ এই কাৰণেই ডায়েবেটিছ ৰোগী বা ৰক্ত শৰ্কৰাৰ মাত্ৰা নিয়ন্ত্ৰণত ৰাখিব বিচৰা লোকৰ বাবে ই এক উত্তম বিকল্প বুলি ক’ব পাৰি ৷

• হৃদযন্ত্ৰৰ স্বাস্থ্য উন্নত কৰা

সেউজীয়া বুটত কলেষ্টেৰল আৰু চেচুৰেটেড ফেটৰ পৰিমাণ কম থাকে, যাৰ ফলত হৃদযন্ত্ৰৰ স্বাস্থ্য উন্নত হয় ৷ সেউজীয়া বুটত পোৱা এন্টিঅক্সিডেন্ট আৰু দ্ৰৱণীয় আঁহে এল ডি এল (বেয়া) কলেষ্টেৰলৰ মাত্ৰা হ্ৰাস কৰাত সহায় কৰে আৰু হৃদৰোগৰ সম্ভাৱনা হ্ৰাস কৰি আপোনাৰ হৃদযন্ত্ৰ সুস্থ আৰু শক্তিশালী কৰি ৰাখে ৷

• ওজন নিয়ন্ত্ৰণত সহায়ক

সেউজীয়া বুটত অধিক পৰিমাণে আঁহ আৰু প্ৰ’টিন পোৱা যায়, যিয়ে ওজন নিয়ন্ত্ৰণত সহায় কৰে ৷ ফাইবাৰে আপোনাক দীৰ্ঘসময়লৈকে পেট ভৰপূৰ কৰি ৰাখে, যাৰ ফলত আপোনাৰ ভোক কমি যায় আৰু অতিমাত্ৰা খাদ্য খোৱাৰ পৰা আপুনি বিৰত থাকে৷ ইয়াৰ উপৰিও ইয়াত থকা প্ৰ’টিনে পেশী গঠনত সহায় কৰে, বিপাকীয় ক্ৰিয়া বৃদ্ধি কৰে আৰু চৰ্বি হ্ৰাস কৰাত সহায় কৰে ৷

• ৰোগ প্ৰতিৰোধ ক্ষমতা বৃদ্ধি কৰে

সেউজীয়া বুটত প্ৰচুৰ পৰিমাণে এন্টিঅক্সিডেন্ট, ভিটামিন আৰু খনিজ পদাৰ্থ থাকে, যিয়ে ৰোগ প্ৰতিৰোধ ক্ষমতা শক্তিশালী কৰাত সহায় কৰে ৷ নিয়মিতভাৱে সেউজীয়া বুট সেৱনে আপোনাক চৰ্দি আৰু ফ্লুৰ দৰে সাধাৰণ ৰোগৰ পৰা ৰক্ষা কৰাত সহায় কৰিব পাৰে, শীতকালতো আপোনাক সুস্থ কৰি ৰাখিব পাৰে ৷

• পাচনতন্ত্ৰৰ স্বাস্থ্যৰ উন্নতি সাধন কৰে

সেউজীয়া বুটত প্ৰচুৰ পৰিমাণে খাদ্য আঁহ থাকে, যাৰ ফলত হজম শক্তি উন্নত হয় আৰু কোষ্ঠকাঠিন্য ৰোধ হয় ৷ শীতকালীন খাদ্যত সেউজীয়া বুট অন্তৰ্ভুক্ত কৰিলে পাচনতন্ত্ৰ সুস্থ কৰি ৰখাত সহায়ক হ’ব পাৰে আৰু সাধাৰণতে ঠাণ্ডাৰ দিনকেইটাতো পাচনতন্ত্ৰৰ সমস্যাৰ পৰা সকাহ প্ৰদান কৰে ৷

লগতে পঢ়ক:শিশুৰ স্বাস্থ্যৰ বিকাশৰ ক্ষেত্ৰত নাৰিকল তেল কিমান উপযোগী ?