ৰীউমাৰ বয়ফ্ৰেণ্ড ৰাহুল মোদীৰ লগত নৃত্য কৰি ভাইৰেল হ’ল শ্ৰদ্ধা - Shraddha Kapoor

SHRADDHA KAPOOR : জনপ্ৰিয় কণ্ঠশিল্পী ৰিহানাৰ সংগীতানুষ্ঠানত নৃত্য কৰি ভাইৰেল হ’ল বলীউডৰ অভিনেত্ৰী শ্ৰদ্ধা কাপুৰৰ ৷ ভিডিঅ'টোত শ্ৰদ্ধাক ৰীউমাৰ বয়ফ্ৰেণ্ডৰ সৈতে দেখা গৈছে । চাওক ভিডিঅ'টো...

চিটাৰা ডেস্ক, 7 এপ্ৰিল : বলীউডৰ এগৰাকী বিখ্যাত তাৰকা শ্ৰদ্ধা কাপুৰ ৷ অনুৰাগীৰ সন্মুখত তেওঁৰ এক অন্য ছবি আছে ৷ সাধাৰণতে সংবাদ মাধ্যমৰ ভিন্ন বিতৰ্কৰ পৰা প্ৰায়েই আঁতৰি থাকে শ্ৰদ্ধা ৷ কিন্তু শেহতীয়াকৈ সামাজিক মাধ্য়মকে ধৰি সংবাদ মাধ্যমত শ্ৰদ্ধাই তেওঁৰ ৰীউমাৰ বয়ফ্ৰেণ্ড ৰাহুল মোদীৰ সৈতে চৰ্চা লাভ কৰিছে ৷

শ্ৰদ্ধা আৰু ৰাহুলক ৰিহানাৰ এক সংগীতানুষ্ঠানত একেলগে দেখা গৈছে ৷ ৰেডিটত ৰিহানাৰ সংগীতানুষ্ঠানত শ্ৰদ্ধা কাপুৰৰ এটা ভিডিঅ' পোহৰলৈ আহিছে ৷ য'ত এগৰাকী মহিলাই সংগীতানুষ্ঠানত ভিডিঅ’ ৰেকৰ্ড কৰি থাকোতে শ্ৰদ্ধা আৰু ৰাহুলে নৃত্য কৰি থকা দেখা গৈছে ৷ মহিলাগৰাকীয়ে ভিডিঅ'টো তেওঁৰ ইনষ্টাগ্ৰামত আপলোড কৰিছিল ।

তাৰ পিচতে ভিডিঅ'টো সামাজিক মাধ্যমত ভাইৰেল হৈ পৰিছে । অৱশ্যে, সম্প্ৰতি মহিলাগৰাকীয়ে তেওঁৰ ইনষ্টাগ্ৰামৰ পৰা ভিডিঅ'টো ডিলীট কৰিছে । উল্লেখ্য যে, শ্ৰদ্ধা আৰু ৰাহুলে এতিয়ালৈকে তেওঁলোকৰ সম্পৰ্ক ৰাজহুৱাভাৱে ঘোষণা কৰা নাই । কিন্তু তেওঁলোক দুয়োকে প্ৰায় ডেট আৰু বিশেষ অনুষ্ঠানত বহুবাৰ একেলেগে পাপ্পাৰাজীয়ে কেমেৰাত বন্দী কৰিছে ।

শেহতীয়াকৈ এক সূত্ৰৰ পৰা জানিব পৰা অনুসৰি, তেওঁলোকে ইজনে সিজনৰ সৈতে ফটো উঠাবলৈ ভয় নকৰে ৷ তেওঁলোকে সম্পৰ্কটো কেতিয়া আনুষ্ঠানিক কৰিব তাৰো কোনো নিৰ্দিষ্ট সময়সীমা নাই । তেওঁলোক দুয়োজন ব্যক্তিগত লোক ৷ সেইবাবে তেওঁলোকে দুয়োৰে সম্পৰ্কক লাইমলাইটৰ পৰা আঁতৰাই ৰাখিব বিচাৰে

ৰাহুল মোদী হৈছে এজন লেখক । তেওঁ 'প্যাৰ কা পাঞ্চনামা 2' আৰু 'চনু কে টিটু কি চুইটী', 'তু ঝুথি মেই মক্কাৰ'ৰ দৰে চলচ্চিত্ৰৰ বাবে জনাজাত । ইফালে কৰ্মক্ষেত্ৰত শ্ৰদ্ধা কাপুৰক পৰৱৰ্তী সময়ত পৰিচালক অমৰ কৌশিকৰ বহু প্ৰতীক্ষিত কমেডি ভৌতিক চলচ্চিত্ৰ স্ত্ৰী 2 ত পংকজ ত্ৰিপাঠী আৰু ৰাজকুমাৰ ৰাওৰ সৈতে দেখা যাব । স্ত্ৰী ৰ প্ৰথমখন চিকুৱেলত ৰাইজৰ পৰা বিপুল সহাৰি লাভ কৰিছিল শ্ৰদ্ধা কাপুৰে ৷

লগতে পঢ়ক:বলীউডৰ ছবিত অসমক উপস্থাপন কৰা কিয় প্ৰয়োজন ? - bollywood film on assam