চিটাৰা ডেস্ক, 15 মে’ :প্ৰিয়ংকা চোপ্ৰাই আজি 15 মে’ত ছ’চিয়েল মিডিয়াত এখন পুৰণি ফটো পোষ্ট কৰিছে । এই ফটোখনত তেওঁক বলীউডৰ অন্যতম অভিনেত্ৰী কেটৰিণা কাইফৰ সৈতে দেখা গৈছে । পেছাগতভাৱে তেওঁলোক একো একোজন তাৰকা হ’লেও কিন্তু মনৰ পৰা আমাৰ দৰে সাধাৰণ মানুহেই ৷
প্ৰিয়ংকা এসময়ৰ বলীউডৰ শীৰ্ষস্থানৰ অভিনেত্ৰী আছিল ৷ সাংসাৰিক হৈ দেশৰ পৰা বিদেশলৈ গুচি যোৱাৰ পাচতহে তেওঁ বলীউডত কমকৈ কাম কৰিবলৈ ল’লে ৷ বিদেশত গৈ থিতাপি লৈছে যদিও দেশ আৰু বলীউডৰ মোহৰ পৰা ওলাব পৰা নাই অভিনেত্ৰীগৰাকী ৷ প্ৰমাণ মাজে মাজে তেওঁ ইনষ্টাগ্ৰামত দিয়ে থাকে ৷ শেহতীয়াকৈ তেওঁ কেটৰিণাৰ লগত শ্বেয়াৰ কৰিছে এখন ফটো ৷ খবৰ অনুসৰি দেশী গাৰ্লে ফাৰহান আখতাৰৰ ছবি জী লে জাৰাত কেটৰিণা কাইফ আৰু আলিয়া ভাটৰ সৈতে স্ক্ৰীণ শ্বেয়াৰ কৰাৰ কথা আছিল ৷
প্ৰিয়ংকা-কেটৰিণা (etv bharat) প্ৰিয়ংকাৰ এই নতুন পোষ্টটোৱে অনুৰাগীসকলৰ মাজত উদ্বেগৰ সৃষ্টি কৰিছে ৷ সকলোৱে জানিব বিচাৰিছে প্ৰিয়ংকা-কেটৰিণাৰ মাজৰ সম্পৰ্ক প্ৰকৃততে ইমান ভাল নে ? ফটোখনত এটা শ্বুটৰ বাবে প্ৰিয়ংকা-কেটৰিণাই মডেলিং কৰা দেখা গৈছে ৷ কেৰিয়াৰৰ আৰম্ভণি দিনৰে ফটো এইখন ৷ দুয়োকে জীনছ টপৰ সৈতে কপালি পিন্ধি ফটোৰ বাবে প’জ দিয়া দেখা গৈছে ৷ প্ৰিয়ংকাই পিন্ধিছিল সেউজীয়া ৰঙৰ এটা বেকলেছ টপ, আনহাতে কেটৰিণাই পিন্ধিছিল কমলা আৰু সোণালী ৰঙৰ এটা টপ ৷ ফটোখন শ্বেয়াৰ কৰি প্ৰিয়ংকাই লিখিছে, ‘ৱাহ...নাজানো এইখন কোনে লৈছিল আৰু এই ফটোখন কোন সময়ত তোলা হৈছিল কিন্তু...বেবীজ ৷’
ফটোখন চাই অনুমান কৰিব পাৰি যে সেই সময়ত তেওঁলোক দুয়োৱে শ্বুটৰ বহু কাম একেলগে কৰিছিল ৷ তেতিয়াৰ ফটো আৰু এতিয়াৰ ফটোৰ মাজত বহুত পাৰ্থক্য পৰিলক্ষিত হয় ৷ প্ৰিয়ংকা চোপ্ৰাই কেটৰিণা আৰু আলিয়া ভাটৰ সৈতে 'জী লে জাৰা' বোলছবিখনত কাম কৰাৰ কথা আছিল । ছবিখন লকডাউনৰ আগতে ঘোষণা কৰা হৈছিল, কিন্তু প্ৰিয়ংকা আৰু আলিয়া দুয়োৰে ব্যক্তিগত কাৰণত প্ৰকল্পটোত বিলম্ব হৈছিল । শেহতীয়া খবৰ অনুসৰি প্ৰিয়ংকাই এতিয়া এই প্ৰকল্পৰ পৰা তেওঁৰ নাম উঠাই লৈছে ।
লগতে পঢ়ক :প্ৰসৱোত্তৰ হতাশাই আগুৰি ধৰিছে উপাসনাক: স্বামী থকাৰ পিচতো বিচাৰিছে থেৰাপিষ্ট - Postpartum Depression
