বিগত ২৩ জুনত প্ৰেমিক জাহীৰ ইকবালৰ সৈতে বিবাহপাশত আবদ্ধ হয় অভিনেত্ৰী সোণাক্ষী সিনহা । বিয়াৰ পিচত প্ৰথমবাৰৰ বাবে ঘৰৰ পৰা ওলাই আহিল সোণাক্ষী সিনহা আৰু জাহীৰ ইকবালে ।
ইফালে, বিয়াৰ পিচত একেলগে দেখা গ’ল সোণাক্ষী আৰু জাহীৰক ৷ মুম্বাইত ৰাতিৰ আহাৰ গ্ৰহণ কৰিবলৈ যোৱাৰ সময়ত দুয়োজনকে একেলগে দেখা যায় । সোণাক্ষী আৰু জাহীৰৰ বিবাহৰ পিচত প্ৰথমবাৰৰ বাবে ৰাজহুৱা স্থানত একেলগে দেখিবলৈ পোৱা এই ভিডিঅ’সম্প্ৰতি ভাইৰেল হৈ পৰিছে ছ’চিয়েল মিডিয়াত ।
পৰিয়ালৰ সৈতে ৰাতিৰ আহাৰ গ্ৰহণ
ছ’চিয়েল মিডিয়াত ভাইৰেল হোৱা এই ভিডিঅ’টোত সোণাক্ষী আৰু জাহীৰক ইজনে আনজনৰ হাতত ধৰি ৰেষ্টুৰেণ্টৰ ভিতৰলৈ যোৱা দেখা গৈছে । উল্লেখ্য যে, ২৩ জুনত বিবাহপাশত আবদ্ধ হোৱাৰ পিচত ২৬ জুনৰ নিশা মুম্বাইৰ এখন ৰেষ্টুৰেণ্টত সোণাক্ষী আৰু জাহীৰক একেলগে দেখা যায় । সোণাক্ষী আৰু জাহীৰে নিজৰ পৰিয়ালৰ সৈতে একেলগে সময় কটায় । ডিনাৰত সোণাক্ষী সিনহাক ৰঙা ৰঙৰ পোছাক পৰিধান কৰাৰ বিপৰীতে জাহীৰে ক’লা পেণ্টৰ ওপৰত বগা চাৰ্ট পৰিধান কৰা দেখা গৈছিল ।