মুক্তি লাভ কৰিলে নতুন ছবি ‘মিনি’
গুৱাহাটী, ২৩ ফেব্ৰুৱাৰী: আজি ৰাজ্যৰ ছবিগৃহত মুক্তি লাভ কৰিছে নতুন ছবি ‘মিনি’ । অসমৰ চাহৰ ২০০ বছৰীয়া গৌৰৱ উজ্জ্বল উপলক্ষে চাহ জনগোষ্ঠীয় লোকসকলৰ আধাৰত ছাদ্ৰী ভাষাত নিৰ্মাণ কৰা হৈছে নতুন ছবি ‘মিনি’ । PM Associate ৰ বেনাৰত নিৰ্মাণ কৰা ছবিখনৰ প্ৰযোজনা কৰিছে পংকজ মহন্তই, আনহাতে ছবিখন পৰিচালনা কৰিছে অৰুন জিৎ বৰাই ।
বৃহস্পতিবাৰে মহানগৰীৰ অনুৰাধা চিনেমা হলত অনুষ্ঠিত হয় ‘মিনি’ৰ প্ৰিমিয়াৰ শ্ব’ । ছবিখনৰ প্ৰিমিয়াৰ শ্ব’ত উপস্থিত থাকে প্ৰাক্তন DGP ভাস্কৰ জ্যোতি মহন্ত, অভিনেত্ৰী চেতনা দাসকে ধৰি বহু বিশিষ্ট ব্যক্তিৰ লগতে ছবিখনৰ কলা-কুশলীসকল । অসমৰ চাহৰ ২০০ বছৰীয়া জয়ন্তীৰ এক অনন্য আয়োজন ‘মিনি’ত অভিনয় কৰিছে উৰ্মিলা মহন্ত, বলোৰাম দাস, পংকজ মহন্তকে ধৰি বহু নবীন প্ৰবীণ অভিনেতা-অভিনেত্ৰীয়ে ।