চিটাৰা ডেস্ক, ১২ ফেব্ৰুৱাৰী: সোমবাৰে চিকিৎসালয়ৰ পৰা মুকলি কৰি দিয়া হ’ল প্ৰবীণ চলচ্চিত্ৰ অভিনেতা মিঠুন চক্ৰৱৰ্তীক । হাস্পতালৰ পৰা ওলাই আহি অভিনেতাগৰাকীয়ে ডায়েবেটিছ ৰোগীক দিলে পৰামৰ্শ ৷ সংবাদ মাধ্যমৰ সন্মুখত ডায়েবেটিছ ৰোগীক পৰামৰ্শ দি মিঠুনে কয়, ‘‘যিসকলৰ এই সমস্যা আছে তেওঁলোকৰ খাদ্যাভ্যাস নিয়ন্ত্ৰণ কৰিব লাগে । যিসকল লোকৰ চুগাৰ আছে সেইসকল মানুহে এইটো ভাবিব নালাগে যে মিঠাই নাখালে একো নহ’ব । খাব লাগে কিন্তু কম পৰিমাণে ৷ মোৰো সেই একে সমস্যা আছিল তথাপিও মই মিঠাই খাইছিলো, কিন্তু এতিয়া মই সম্পূৰ্ণ সুস্থ ।"
শ্বুটিঙৰ সময়ত স্বাস্থ্যৰ অৱনতি ঘটিছিল অভিনেতাগৰাকীৰ
উল্লেখ্য যে, শনিবাৰে এখন ছবিৰ শ্বুটিঙৰ সময়ত অভিনেতাগৰাকী হঠাৎ অসুস্থ হৈ পৰিছিল । তাৰ পাচত ততাতৈয়াকৈ তেওঁক কলকাতাৰ এপ’ল’ হাস্পতালত ভৰ্তি কৰোৱা হৈছিল ৷ এই খবৰ বিয়পি পৰা পিচতে তেওঁৰ অনুৰাগীসকল চিন্তিত হৈ পৰিছিল আৰু তেওঁৰ আশু আৰোগ্য কামনা কৰিছিল ৷