হায়দৰাবাদ :আজি (২২ নৱেম্বৰ) বলীউডৰ জনপ্ৰিয় অভিনেতা কাৰ্তিক আৰিয়ানৰ জন্মদিন । আজি ৩৪ বছৰ সম্পূৰ্ণ কৰিলে কাৰ্তিকে । জন্মদিনৰ এদিন পূৰ্বে গোৱাত উপস্থিত হৈ নিজৰ বিশেষ দিনটো উদযাপন কৰিছে অভিনেতাগৰাকী । ২১ নৱেম্বৰৰ সন্ধিয়া অভিনেতাগৰাকীয়ে গোৱাৰ সুন্দৰ দৃশ্যৰ সৈতে নিজৰ ফটো শ্বেয়াৰ কৰে ।
জন্মদিনৰ সমান্তৰালকৈ কাৰ্তিক আৰিয়ানে তেওঁৰ নতুন ছবি ভুল ভুলইয়া ৩ৰ সফলতাও উপভোগ কৰি আছে । ছবিখন মুক্তি পোৱা ২২ দিন হ’ল । তিনি সপ্তাহৰ পাছতো অভিনেতাগৰাকীয়ে ছবিখনৰ প্ৰচাৰ জোৰদাৰভাৱে কৰি আছে ।
বৃহস্পতিবাৰে, কাৰ্তিক আৰিয়ানে তেওঁৰ অফিচিয়েল ইনষ্টাগ্ৰামত গোৱাৰ পৰা নিজৰ কেইখনমান ফটো পোষ্ট কৰে ৷ তেওঁ ইনষ্টাগ্ৰাম ষ্ট’ৰী এটাত ফটো দি তেওঁৰ অনুৰাগীসকলক অৱগত কৰে যে তেওঁ বৰ্তমান গোৱাত আছে । অন্য এটা ষ্ট’ৰীত, কাৰ্তিক আৰিয়ানক সাগৰৰ পাৰত সূৰ্যাস্তৰ সৌন্দৰ্যৰ প্ৰশংসা কৰা দেখা গৈছে ।
কাৰ্তিক আৰিয়ানৰ ইনষ্টা ষ্ট’ৰী (Kartik Aaryan Instagram Story) ইয়াৰ উপৰিও অভিনেতাগৰাকীয়ে কেপশ্যন নোহোৱাকৈ তিনিখন ফটো পোষ্ট কৰিছে । তিনিওখন ফটোতে কাৰ্তিকক সূৰ্যাস্তৰ সময়ত দেখা গৈছে । গোলাপী ৰঙৰ চাৰ্ট আৰু বগা পেণ্ট পিন্ধা কাৰ্তিক আৰিয়ানক যথেষ্ট কুল লুকত দেখা গৈছে । কাৰ্তিকে এই ফটোকেইখন পোষ্ট কৰাৰ লগে লগে অনুৰাগীয়ে জন্মদিনৰ শুভেচ্ছা আৰু ৰেড হাৰ্ট ইম’জীৰে কমেণ্ট ছেকশ্যন ভৰাই পেলালে ।
কাৰ্তিক আৰিয়ানৰ ইনষ্টা ষ্ট’ৰী (Kartik Aaryan Instagram Story) কাৰ্তিক আৰিয়ানক আনীছ বাজমীৰ পৰিচালিত ছবি ‘ভুল ভুলইয়া ৩’ ত দেখা গৈছে । কাৰ্তিকৰ উপৰিও ছবিখনত অভিনয় কৰিছে বিদ্যা বালান, মাধুৰী দীক্ষিত আৰু তৃপ্তী ডিমৰীয়ে । এই ছবিখনে ২১ দিনত ২৫৯ কোটিৰো অধিক উপাৰ্জন কৰিছে । ২১ দিনৰ পাছতো ছবিখনে বক্স অফিচত ভালদৰে প্ৰদৰ্শন কৰি আছে ।
লগতে পঢ়ক :আৰাধ্যাৰ জন্মদিন উদযাপন ঐশ্বৰ্যৰ, অনুপস্থিত অভিষেক
