চিটাৰা ডেস্ক, 27 জুন: অৱশেষত অপেক্ষাৰ অৱসান ঘটিল ৷ মুক্তি পালে বহু প্ৰতিক্ষীত ছবি দক্ষিণ ছুপাৰষ্টাৰ প্ৰভাস অভিনীত ছবি কল্কি 2898 AD ৷ আজি ২৭ জুন অৰ্থাৎ আজি বিশ্বৰ চিনেমাগৃহত মুক্তি লাভ কৰিছে কল্কি 2898 AD ৷ কল্কি 2898 ADএ কেৱল দেশেই নহয় বিদেশতো যথেষ্ট চৰ্চা লাভ কৰিবলৈ সক্ষম হৈছে ৷ কল্কি 2898 AD ছবিখনৰ আটাইতকৈ ডাঙৰ উন্মাদনা উত্তৰ আমেৰিকাত দেখা গৈছে আৰু সমান্তৰালকৈ হায়দৰাবাদতো ছবিখনে দৰ্শকৰ যথেষ্ট সঁহাৰি পাবলৈ সক্ষম হৈছে ৷
আজি পুৱাৰে পৰা কল্কি 2898 ADএ মুক্তি পোৱাৰ লগে লগে ছবিগৃহত এক হুলস্থুলীয়া পৰিবেশে বিৰাজ কৰিছে ৷ এক কথাত ক’বলৈ গ’লে দৰ্শকৰ বিপুল সঁহাৰি পাবলৈ সক্ষম হৈছে কল্কি 2898 ADএ ৷
কল্কিত দুই জনপ্ৰিয় অভিনেতাৰ আগমন
একে সময়তে ছবিখনত বিজয় দেৱেৰাকোণ্ডা আৰু দুল্কুৰ ছলমানৰ কেমিঅ’ই এক হুলস্থুলৰ সৃষ্টি কৰিছে চিনেমাগৃহত । ছবিখনৰ ক্লিপ ছ’চিয়েল মিডিয়াত ব্যাপকভাৱে শ্বেয়াৰ কৰা হৈছে আৰু দুলকুৰ ছলমান আৰু বিজয় দেৱেৰাকোণ্ডাৰ কেমিঅ’ দেখিবলৈ পোৱা গৈছে । বিজয় আৰু দুলকুৰ ছালমানে ছবিখনত কি ভূমিকা পালন কৰিছে জানো আহক ।
মহাভাৰতৰ সৈতে আছে সংযোগ
উল্লেখ্য যে, ছবিখনত বিজয় দেৱেৰাকোণ্ডা আৰু দুলকুৰ ছলমানৰ চৰিত্ৰৰ মহাভাৰতৰ সৈতে চিধা সংযোগ দেখুওৱা হৈছে । তেওঁলোকৰ যুদ্ধৰ ছবি আৰু ভিডিঅ’ ছ’চিয়েল মিডিয়াত ব্যাপকৰূপে ভাইৰেল হৈ পৰিছে, য’ত প্ৰকাশ পাইছে যে অভিনেতা প্ৰভাসৰ ভৈৰৱ চৰিত্ৰত অভিভাৱকৰ চৰিত্ৰত অভিনয় কৰিছে দুল্কুৰ ছলমানে । ছবিখনত দুল্কুৰ ছলমানৰ কেমিঅ’ ৰোলক দৰ্শকে ভাল পাইছে । আনহাতে বিজয়ৰ কথা ক’বলৈ গ’লে তেওঁ ছবিখনত অৰ্জুনৰ চৰিত্ৰত অভিনয় কৰা দেখিবলৈ পোৱা যাব ।