অমল পৰাশৰক ডেট কৰি আছে কংকনা সেন শৰ্মাই ! প্ৰাক্তন স্বামীয়ে দিলে ইংগিত - Konkona Dating Amol Parashar

Konkona Sen Sharma Dating Amol Parashar: বলীউডৰ মোহময়ী অভিনেত্ৰী কংকনা সেন শৰ্মাই তেওঁৰ ডলী কিটি অউৰ ৱো চমক্তে চিতাৰেৰ সহ-অভিনেতা অমল পৰাশৰৰ সৈতে প্ৰেমৰ সম্পৰ্কত থকাৰ গুজৱ চলি থকাৰ মাজতেই পোহৰলৈ আহিছে এক বিশেষ পোষ্ট ৷ কংকনাৰ প্ৰাক্তন স্বামীয়ে দিছে হিন্ট ৷

চিটাৰা ডেস্ক, 25 এপ্ৰিল :বলীউডৰ অভিনেত্ৰী কংকনা সেন শৰ্মাৰ অনুৰাগীসকলক আচৰিত কৰি পোহৰলৈ আহিছে এক আশ্চৰ্যজনক উৰাবাতৰি ৷ অভিনেত্ৰীগৰাকীয়ে গোপনে অভিনেতা অমল পৰাশৰৰ সৈতে প্ৰেমৰ সম্পৰ্কত আছে বুলি বাতৰি পোহৰলৈ আহিছে ৷ ইয়াৰোপৰি শেহতীয়াকৈ কংকনাৰ প্ৰাক্তন স্বামী ৰণবীৰ শ্বোৰীই এই বাতৰিক নিশ্চিত কৰাৰ এক হিন্ট দিছে ৷

শেহতীয়াকৈ এটা জনপ্ৰিয় পেৰোডি এক্স হেণ্ডেলত এটা পোষ্ট কৰিছিল যে কংকনা সেন শৰ্মাই মোদী ভক্ত ৰণবীৰ শ্বোৰীক এৰি ধৰ্ম নিৰপেক্ষ অমল পৰাশৰক ডেট কৰাটো সৰ্বশ্ৰেষ্ঠ সিদ্ধান্ত আছিল । ইয়াৰ পিচতে ৰণবীৰে টুইটটোৰ সঁহাৰি দি কয়, "মই সন্মত।"

ৱেক আপ ছিডৰ অভিনেত্ৰী কংকনাই তেওঁৰ প্ৰাক্তন স্বামী ৰণবীৰ শ্বোৰীৰ লগত বিবাহপাশত আৱদ্ধ হৈছিল ৷ 2020 চনত দুয়োগৰাকীয়ে বিবাহ বিচ্ছেদৰ সিদ্ধান্ত লৈছিল ৷

ইয়াৰ পিচতে অভিনেত্ৰীগৰাকীয়ে তেওঁৰ প্ৰেম জীৱনৰ সৈতে আগবাঢ়িছে আৰু তেওঁ শেহতীয়াকৈ অভিনেতা অমল পৰাশৰৰ সৈতে প্ৰেমৰ সম্পৰ্কত থকা বুলি উৰাবাতৰি প্ৰকাশ হৈছে । কংকনা আৰু অমলে ডলী কিট্টী অউৰ ৱ’ চমকতে চিটাৰেত একেলগে অভিনয় কৰিছিল ৷ দুয়োগৰাকীৰ যুটিয়ে দৰ্শকৰ হৃদয় জিনিবলৈ সক্ষম হৈছিল ৷ তাৰ পিচৰেপৰাই সকলোৱে সন্দেহ কৰিছিল যে দুয়োগৰাকীৰ মাজত সম্পৰ্ক বন্ধুত্বতকৈও গাঢ় ৷ ইয়াৰ পিচতে এক্সত কংকনাক প্ৰাক্তন স্বামীৰ কমেণ্টে এই উৰাবাতৰিক সঁচা বুলি প্ৰমাণিত কৰিছে ৷

কংকনা সেন শৰ্মাক শেষবাৰৰ বাবে কিলাৰ চুপত অভিনয় কৰা দেখা গৈছিল ৷ মনোজ বাজপেয়ীৰ সৈতে অভিনয় কৰিছিল কংকনাই । কিলাৰ চুপ হৈছে অভিষেক চৌবেৰ দ্বাৰা পৰিচালিত এক ৱেব ছিৰিজ ৷

লগতে পঢ়ক:'চৰ্দাৰ উধম'ত বিকি কৌশলৰ অভিনয়ক প্ৰশংসা কেটৰীণাৰ