এইবাৰ কোন বলীউড সুন্দৰীৰ প্ৰেমত তাৰকা ক্ৰিকেটাৰ ?

কিছু সময় ধৰি বাতৰি প্ৰকাশ হৈ আহিছে যে বিগ বছ ১৩ খ্যাত অভিনেত্ৰী মাহিৰা শৰ্মা আৰু 29 বছৰীয়া ক্ৰিকেটাৰ মহম্মদ ছিৰাজে ডেট কৰি আছে ।

হায়দৰাবাদ :বিগ বছ ১৩ ৰ ফাইনেলিষ্ট মাহিৰা শৰ্মা পুনৰ বাতৰিৰ শিৰোনামলৈ আহিছে ৷ পিছে এইবাৰ তেওঁৰ প্ৰকল্পৰ বাবে নহয়, ব্যক্তিগত জীৱনৰ বাবেহে । সংবাদ মাধ্যমৰ বাতৰি অনুসৰি, শৰ্মা আৰু ভাৰতীয় ক্ৰিকেটাৰ মহম্মদ ছিৰাজে কিছু সময়ৰ পৰা ডেট কৰি আছে । তেওঁলোকৰ সম্পৰ্কৰ বিষয়ে জল্পনা-কল্পনা প্ৰথমবাৰৰ বাবে ২০২৪ চনৰ নৱেম্বৰত আৰম্ভ হৈছিল যেতিয়া ছিৰাজে অভিনেত্ৰীগৰাকীৰ অফিচিয়েল ইনষ্টাগ্ৰাম হেণ্ডেলত ফটো এখন লাইক কৰিছিল ।

নিউজৱায়াৰৰ প্ৰতিবেদন অনুসৰি, দুয়ো ‘‘'ৰোমান্টিক এক সম্পৰ্কত জড়িত’’ ৷ কিন্তু তেওঁলোকে তেওঁলোকৰ সম্পৰ্ক ব্যক্তিগতভাৱে ৰাখিব বিচাৰে । নতুন যুটিটোৰ এটা ঘনিষ্ঠ সূত্ৰই এটা বাতৰি পৰ্টেলৰ সৈতে তেওঁলোকৰ সম্পৰ্কৰ কথা নিশ্চিত কৰি কৈছিল যে দুয়োজনে বিগত কেইমাহমান ধৰি ইজনে সিজনক জানিবলৈ চেষ্টা কৰি আহিছে । তেওঁলোকৰ সম্পৰ্কক লৈ আলোচনা চলি থকা স্বত্বেও, মাহিৰা আৰু ছিৰাজ দুয়োৱে নীৰৱতা বজাই ৰাখিছে আৰু এতিয়াও এই বাতৰিবোৰৰ প্ৰতি প্ৰতিক্ৰিয়া প্ৰকাশ কৰা নাই ।

নাগিনত তেওঁৰ চৰিত্ৰৰ বাবে জনাজাত মাহিৰাই ইয়াৰ পূৰ্বে অভিনেতা-মডেল পাৰস চাবৰাক ডেট কৰিছিল বুলি জনা যায় । দুয়োজনে ৰিয়েলিটী টিভি শ্ব' বিগ বছ ১৩ ত লগ পাইছিল । অৱশ্যে, কিছু পাৰ্থক্যৰ বাবে, দুয়ো ২০২৩ চনত পৃথক হৈছিল ।

আনহাতে, শেহতীয়াকৈ ২৯ বছৰীয়া ক্ৰিকেটাৰগৰাকীৰ নাম সৈতে কিংবদন্তি গায়িকা আশা ভোছলেৰ নাতিনীয়েক জানাই ভোছলেৰ সৈতে সাঙোৰ খাই পৰিছিল । ২৩ সংখ্যক জন্মদিন উদযাপনৰ সময়ত জানাইৰ সৈতে একেটা ফ্ৰেমতে ছিৰাজক নেটিজেনে দেখা পোৱাৰ পিছতে তেওঁলোকৰ সম্পৰ্কক লৈ উৰাবাতৰি ইণ্টাৰনেটত বিয়পি পৰিছিল । অৱশ্যে দুয়োৱে পৰস্পৰক ভাই-ভনী বুলি সম্বোধন কৰি উৰাবাতৰি স্পষ্ট কৰি দিয়ে ।

পেছাদাৰী ক্ষেত্ৰত, মাহিৰাই কেইবাটাও প্ৰকল্পৰ সৈতে ব্যস্ত হৈ আছে । মডেলিং এছাইনমেণ্ট আৰু হিন্দী শ্ব’ৰ উপৰিও, তেওঁ সফলতাৰে পাঞ্জাৱী চলচ্চিত্ৰ উদ্যোগত প্ৰৱেশ কৰিছে । তেওঁ লেহেংগা, মেক্সিকো কোকা, গাল কাৰ্কে, ৰং লাগিয়া আদিৰ দৰে সংগীত ভিডিঅ'তো অভিনয় কৰিছে ।

লগতে পঢ়ক :কৰণ জোহৰে ইব্ৰাহিম আলী খানৰ বলীউডত আত্মপ্ৰকাশৰ কথা ঘোষণা কৰিছে