হায়দৰাবাদ :শ্বাহিদ কাপুৰৰ একশ্যন থ্ৰিলাৰ ছবি 'দেৱা'ই আজি ৩১ জানুৱাৰীত মুক্তি লাভ কৰিছে । শ্বাহিদ কাপুৰ আৰু পূজা হেগড়ে অভিনীত ছবিখনে বক্স অফিচত ভাল আৰম্ভণি কৰিব বুলি আশা কৰা হৈছে ।
চলচ্চিত্ৰখনত শ্বাহিদ কাপুৰক এজন আৰক্ষী বিষয়া হিচাপে শক্তিশালী চৰিত্ৰত দেখা গৈছে । এয়া প্ৰথমবাৰৰ বাবে শ্বাহিদ কাপুৰে এজন আৰক্ষী বিষয়া হিচাপে ইমান শক্তিশালী আৰু চিত্তাকৰ্ষক ভূমিকাত অভিনয় কৰিছে ।
বলীউডৰ চকলেট হিৰ' শ্বাহিদ কাপুৰক খাকী ইউনিফৰ্মত প্ৰশংসা কৰিছে অনুৰাগীয়ে । অৱশ্যে, ইয়াৰ আগতে শ্বাহিদ কাপুৰে ফাটা পোষ্টাৰ নিকলা হিৰ' নামৰ চলচ্চিত্ৰখনতো খাকী পোচাক পিন্ধিছিল । শ্বাহিদ কাপুৰৰ পূৰ্বেও বলীউডৰ বহু তাৰকাই খাকী ইউনিফৰ্ম পিন্ধি বক্স অফিচত আলোড়ন সৃষ্টি কৰিছে, তেওঁলোকৰ বিষয়ে জানো আহক-
ছলমান খান
পুলিচৰ চৰিত্ৰত যদি কোনোবাই সৰ্বাধিক প্ৰশংসা লাভ কৰিছে তেন্তে সেয়া হ’ল বলীউডৰ ভাইজান ছলমান খান, যিয়ে দাবাং ফ্ৰেঞ্চাইজিত ইন্সপেক্টৰ চুলবুল পাণ্ডেৰ চৰিত্ৰত অভিনয় কৰি হিন্দী চিনেমাত বিশেষ স্থান দখল কৰি আছে । দাবাং ফ্ৰেঞ্চাইজিয়ে ২০১০ চনৰ পৰা আজিলৈকে ছলমান খানৰ অনুৰাগীক মনোৰঞ্জন দি আহিছে ।
অজয় দেৱগণ
বলীউডত কপ একশ্যন ছবিৰ ট্ৰেণ্ড ত্বৰান্বিত কৰিছে ৰোহিত শ্বেট্টীয়ে । ৰোহিত শ্বেট্টীয়ে নিজৰ ছবিত বহু অভিনেতাক খাকী ইউনিফৰ্ম পিন্ধোৱাইছে ৷ ৰোহিতৰ প্ৰথম পছন্দ আছিল অজয় দেৱগণ ৷ সিংঘম ফ্ৰেঞ্চাইজিত অজয়ৰ বাজিৰাও সিংঘমৰ চৰিত্ৰটো কপ ইউনিৰ্ভাছৰ ভিতৰত অন্যতম পছন্দৰ চৰিত্ৰ ৷ আনহাতে সিংঘম ৩ ত ৰোহিত শ্বেট্টীয়ে অজয়ৰ লগতে দীপিকা পাডুকন আৰু টাইগাৰ শ্ৰফক প্ৰথমবাৰৰ বাবে পুলিচ হিচাপে চিনাকি কৰাই দিয়ে ।
অক্ষয় কুমাৰ
অক্ষয় কুমাৰ এজন একশ্যন হিৰো আৰু তেওঁ চলচ্চিত্ৰ কেৰিয়াৰৰ আৰম্ভণিৰে পৰা কপ একশ্যন ছবি কৰি আহিছে । দেশপ্ৰেমমূলক চলচ্চিত্ৰ আৰু জীৱনীমূলক ছবিত অভিনয় কৰাৰ বাবে জনাজাত অক্ষয় কুমাৰক শেষবাৰৰ বাবে সিংঘম এগেইন চলচ্চিত্ৰত আৰক্ষীৰ চৰিত্ৰত দেখা গৈছিল । ইয়াৰ আগতে, ৰোহিত শ্বেট্টীয়ে অক্ষয় কুমাৰৰ সৈতে সূৰ্যবংশী চলচ্চিত্ৰখন নিৰ্মাণ কৰিছিল, যিখন চুপাৰহিট হিচাপে পৰিগণিত হৈছিল । চলচ্চিত্ৰখনত অক্ষয় কুমাৰক খাকী ইউনিফৰ্মত দেখা গৈছিল ।