চিটাৰা ডেস্ক,১১ অক্টোবৰ:বলীউদৰ শ্বাহেনশ্বাহ, এংগ্ৰী ইয়ং মেন আৰু বিগ বিকে আদি কৰি বিভিন্ন নামেৰে অনুৰাগীৰ মাজত পৰিচিত বলীউদৰ প্ৰবীণ অভিনেতা অমিতাভ বচ্চনে আজি ১১ অক্টোবৰত তেওঁৰ ৮২ সংখ্যক জন্মদিন উদযাপন কৰিছে । এই বয়সতো, অমিতাভ সুস্থ আৰু স্বাস্থ্যৱান আৰু বৰ্তমানো তেওঁ ছবিজগতত সক্ৰিয় । তেওঁৰ পাঁচ দশক দীঘলীয়া কেৰিয়াৰত, ভাৰতীয় চলচ্চিত্ৰ ক্ষেত্ৰলৈ প্ৰদান কৰিছে এখনৰ পাছত আনখন হিট ছবি ।
ইমান দীঘলীয়া কেৰিয়াৰৰ মাজত, তেওঁৰ জীৱনৰ বহুতো অকথিত কাহিনী আছে । যাৰ এটা আমি আজি আপোনাক ক'বলৈ বিচাৰিছোঁ আৰু এই কাহিনীটো তেওঁৰ জন্মদিনৰ সৈতে সম্পৰ্কিত । প্ৰকৃততে, শ্বাহেনশ্বাহে তেওঁৰ জন্মদিন এবাৰ নহয়, বছৰত দুবাৰ উদযাপন কৰে । ইয়াৰ আঁৰৰ কাৰণ কি ।
বছৰত দুবাৰকৈ উদযাপন কৰে জন্মদিন:
১৯৪২ চনৰ ১১ অক্টোবৰত উত্তৰ প্ৰদেশৰ এলাহাবাদত তেওঁৰ জন্ম হৈছিল । যিটো তেওঁৰ প্ৰকৃত জন্মদিন । অৱশ্যে, শ্বাহেনশ্বাহে আগষ্টৰ ২ তাৰিখেও তেওঁৰ জন্মদিনও উদযাপন কৰে । ১৯৮২ চনত'কুলি' চলচ্চিত্ৰখনৰ দৃশ্যগ্ৰহণৰ সময়ত তেওঁৰ এটা ডাঙৰ দুৰ্ঘটনা ঘটে আৰু অলৌকিকভাৱে ৰক্ষা পৰে । বেংগালুৰুত এক একচন দৃশ্যৰ সময়ত, পুনীত ইছাৰে দুৰ্ঘটনাক্ৰমে তেওঁৰ পেটত খোঁচ মাৰিছিল । যাৰ ফলত তেওঁৰ ওপৰত গুৰুতৰ প্ৰভাৱ পৰিছিল ।
দ্বিতীয় জন্ম হৈছিল বিগ বিৰ:
ইয়াৰ পিছত, তেওঁৰ স্বাস্থ্যৰ অৱনতি ঘটে আৰু তেওঁক চিকিৎসালয়লৈ লৈ যোৱা হয় য'ত তেওঁৰ একাধিক অস্ত্ৰোপচাৰ কৰা হৈছিল । মুম্বাই চিকিৎসালয়ত ভৰ্তি হোৱাৰ পিছত তেওঁৰ অৱস্থা অৱনতি ঘটিছিল য'ত চিকিৎসকে তেওঁক মৃত বুলি ঘোষণা কৰিছিল । অৱশ্যে, আগষ্টৰ ২ তাৰিখে, তেওঁ আঙুলি লৰাইছিল, যি চিকিৎসকসকলক আচৰিত কৰিছিল ।