গুৱাহাটী, 27 জুন : ২০২৪-২৫ ৰ নাট্যবর্ষৰ বাবে সাজু হৈছে ৰাজ্যৰ প্ৰতিটো নাট্যগোষ্ঠী । ইতিমধ্যে বহুকেইটা নাট্যগোষ্ঠীৰ নাটসমূহ ঘোষণা কৰা হৈছে । মুক্তি পাইছে বহুকেইখন নাটৰ গীত আৰু প্ৰম’ । তিনিখন নাটকেৰে ২০২৪-২৫ ৰ নাট্যবর্ষৰ বাবে সাজু হৈছে থিয়েটাৰ সূৰ্য্য । এই বর্ষৰ থিয়েটাৰ সূৰ্য্যৰ নাট তিনিখন হৈছে অভিজিৎ ভট্টাচাৰ্যৰ ‘মৰমত তেজৰ টোপাল’, ‘ৰঙা গোলাপৰ ৰং’ আৰু প্ৰশান্ত মেনাৰ ‘সংগীবিহীন সম্ৰাট’ ।
বুধবাৰে মহানগৰীৰ ‘মা’ ষ্টুডিঅ’ত থিয়েটাৰ সূৰ্য্যৰ ২০২৪/২৫ বৰ্ষৰ অভিজিৎ ভট্টাচাৰ্য্যৰ নাট ‘মৰমত তেজৰ টোপাল’ ৰ প্ৰম’ আৰু এটি গীত উন্মোচন কৰা হয় । কণ্ঠশিল্পী দিক্ষুৰ কণ্ঠত প্ৰাণ পাই উঠা ‘আই লাভ ইউ’ গীতটি উন্মোচন কৰা হয় উক্ত অনুষ্ঠানত ৷ উক্ত অনুষ্ঠানত উপস্থিত থাকে নাট্যকাৰ অভিজিৎ ভট্টাচাৰ্য, প্রযোজক মহেন্দ্ৰ বৰ্মন, পৃষ্ঠপোষক কমল কাকতি, সম্পাদক উত্তম শৰ্মা, অভিনেতা উৎপল দাস, অভিনেত্ৰী ৰুহি, কণ্ঠশিল্পী দিক্ষু, সংগীত পৰিচালক অজয় ফুকনকে ধৰি বহু বিশিষ্ট ব্যক্তি ।
লগতে পঢ়ক :দৰ্শকৰ মন হৰিবলৈ প্ৰস্তুতি চলোৱাত ব্যস্ত প্ৰস্তুতি পৰাশৰ - Abahan Theatre