নিউজ ডেস্ক, 18 ছেপ্টেম্বৰ : ভাৰতীয় ৰে’লৰ ইতিহাস বহু পুৰণি ৷ ৰে’ল যাত্ৰাৰ আছে এক সুকীয়া আমেজ ৷ দীঘলীয়া যাত্ৰা যদি এখন বিলাসী ৰে’লেৰে হয়, সেই আমেজৰ কথাই সুকীয়া ৷ ঔপনিৱেশিক যুগেই আৰম্ভ হৈছিল ভাৰতৰ বিলাসী ৰে’ল ৷ যিসমূহ ৰে’লেৰে তেতিয়াৰ চহকী, সন্মানীয় বিষয়াৰ লগতে ৰজাঘৰীয়া লোকসকলে যাতায়ত কৰিছিল ৷ মহাৰাজ আৰু অন্যান্য অভিজাত শ্ৰেণীৰ লগতে সেইসমূহ পৰিয়ালৰ লোকৰ বাবে 19 শতিকাত অধিক ৰে’ল নিৰ্মাণ কৰা হৈছিল ৷
কিন্তু স্বাধীনতাৰ পিচত অৰ্থাৎ 1947 চনৰ পিচত ৰক্ষণাবেক্ষণৰ অভাৱত ভাৰতৰ সেইসমূহ বিলাসী ৰে’লগাড়ী পৰিত্যক্ত হৈ পৰে ৷ কিন্তু ভাৰতীয় ৰে’লৱেই পৰৱৰ্তী সময়ত তেনে বহুকেইখন ৰে’ল নৱীকৰণ কৰি পৰ্যটন ক্ষেত্ৰখনলৈ আগবঢ়াই দিয়া হয় ৷ 1980 চনত কৰা হৈছিল প্ৰথমখন তেনে ৰাজকীয় ৰে’লৰ নৱীকৰণ ৷ সেই ৰাজকীয় অভিজ্ঞতা যাতে পৰ্যটকসকলে লাভ কৰিব পাৰে, তাৰ বাবে আধুনিক আৰু স্বাধীনতাৰ পূৰ্বৰ ইতিহাসৰ স্মৃতি ৰক্ষা কৰি পৰ্যটন ক্ষেত্ৰখনত তেনে ৰে’লসমূহ প্ৰচলন কৰা হয় ।
জানো আহক তেনে কেইখনমান বিলাসী তথা আড়ম্বৰপূৰ্ণ ৰে’লৰ বিষয়ে :
1. পেলেচ অন হুইলছ :
পেলেছ অন হুইলছৰ যাত্ৰাপথ হৈছে দিল্লী, জয়পুৰ আৰু আগ্ৰা সামৰি উত্তৰ-পশ্চিম ভাৰত ৷ ইয়াৰ যাত্ৰাকাল আঠদিনীয়া ৷ এই বিলাসী ভ্ৰমণৰ বাবে খৰচ হয় ন্যূনতম 864 আমেৰিকান ডলাৰ বা ভাৰতীয় টকাৰ মূল্যত প্ৰায় 72,296 টকা ৷ অৱশ্যে টুইন শ্বেয়াৰিঙৰ ওপৰত এই মাচুল নিৰ্ভৰ কৰে ৷ ছেপ্টেম্বৰৰ পৰা এপ্ৰিল মাহলৈকে এই ভ্ৰমণ কৰিব পাৰে পৰ্যটকসকলে ৷
উল্লেখ্য যে 1982 চনত পেলেচ অন হুইলছ প্ৰৱৰ্তন কৰি ভাৰতীয় বিলাসী ৰে’লযাত্ৰাৰ অনন্য অনুভৱ প্ৰদানৰ চেষ্টা কৰা হৈছিল ৷ এই ভ্ৰমণে ৰাজস্থান আৰু আগ্ৰাৰ মাজেৰে দেশৰ উত্তৰ অংশক সামৰি লয় ৷ ৰে’লখনে পৰ্যটকসকলক উটৰ ছাফাৰীকে আদি কৰি ৰাজস্থানৰ ৰাজপ্ৰসাদ আৰু ঐতিহাসিক দুৰ্গসমূহলৈ লৈ গৈ ইতিহাসৰ অনুভূতি প্ৰদান কৰে ৷
14 টা দবাযুক্ত ৰে’লখনত আছে 81 টা কেবিন ৷ প্ৰতিটো কেবিনত আছে পেন’ৰামিক খিৰিকী, আড়ম্বৰপূৰ্ণ কাৰ্পেট, ফ্ৰেস্কোযুক্ত চিলিং, মেহগনিৰ পেনেলিং আৰু এটেষ্টেড বাথৰূম ৷ ইয়াত আছে দুটা ছুপাৰ ডিলাক্স কেবিনো ৷ ৰে’লখনৰ দুখন ডাইনিং গাড়ীৰে ভাৰতীয়, মহাদেশীয় আৰু ইটালীয়ান খাদ্য পৰিৱেশন কৰোৱা হয় ৷ তদুপৰি ককটেইল আৰু অন্য সুৰাৰ বাবে আছে সুকীয়া বাৰ ৷ তদুপৰি জীমৰ লগতে স্পাৰ ব্যৱস্থাও আছে ৰে’লখনত ৷
2.দ্য গ’ল্ডেন চেৰিয়ট:
দ্য গ’ল্ডেন চেৰিয়টৰ যাত্ৰাপথে সামৰি লয় সমগ্ৰ দক্ষিণ ভাৰত ৷ তিনিৰ পৰা পাঁচ নিশাপৰ্যন্ত এই হয় এই ভ্ৰমণ ৷ য’ত প্ৰতিগৰাকী পৰ্যটকৰ বিপৰীতে সংগ্ৰহ কৰা হয় ন্যূনতম 3160 ডলাৰ অৰ্থাৎ প্ৰায় 2,64,382 টকা ৷ শ্বেয়াৰিঙৰ ওপৰত ভিত্তি কৰি লোৱা হয় এই মাচুল ৷ অক্টোবৰৰ পৰা মাৰ্চ মাহলৈকে কৰিব পাৰে এই ৰে’লৰ জৰিয়তে ভ্ৰমণ ৷ 2008 চনত মুকলি কৰা এই বিলাসী ৰে’লখনে পৰ্যটকসকলক লৈ যায় দক্ষিণ ভাৰতৰ ঐতিহাসিক চহৰ, ৰৌদ্ৰোজ্জ্বল উপকুল, জংঘলেৰে আবৃত পাহাৰ, মন্দিৰ ইত্যাদিলৈ ৷ ৰে’লখনৰ ভিতৰত 18 খন বেঙুনীয়া আৰু সোণালী ৰঙৰ সৰু সৰু গাড়ী আছে ৷ প্ৰত্যেকখন গাড়ীৰ নাম দক্ষিণ ভাৰতৰ নামেৰে ৰখা হৈছে ।
ৰাজকীয় ৰে’লখনৰ কেবিনসমূহত বাথৰূম, স্মাৰ্ট টিভি, ৱাই-ফাই আৰু এজন পৰিচায়ক আছে ৷ দুখন ডাইনিং গাড়ীৰ জৰিয়তে পৰিৱেশন কৰোৱা হয় স্থানীয় আৰু আন্তঃৰাষ্ট্ৰীয় খাদ্য ৷ ৰে’লখনৰ বৈঠকখানা, বাৰ, মাদিৰা আদু মহীশূৰ পেলেচৰ আৰ্হিৰে নিৰ্মাণ কৰা হৈছে ৷ তদুপৰি পৰম্পৰাগত ভাৰতীয় আৰু আধুনিক মালিচৰ উপৰিও জীম আৰু স্পা আছে ৰে’লখনত ৷ ৰে’খনৰ যাত্ৰা আৰম্ভ আৰু শেষ হয় বেংগালুৰুত ।
৩. ডেক্কান অ’ডিচী :