PM Modi Addressed Indians in Russia : প্ৰধানমন্ত্ৰী নৰেন্দ্ৰ মোদীয়ে বলীউডৰ চলচ্চিত্ৰসমূহৰ এক নষ্টালজিক উল্লেখেৰেও দৰ্শকসকলক আচ্ছন্ন কৰি ৰাখে । তেওঁ কয় যে ৰাজ কাপুৰৰ ছবিখনে দুয়োখন দেশৰ মাজত সম্পৰ্ক আৰু সাংস্কৃতিক আদান-প্ৰদান শক্তিশালী কৰাত বৃহৎ ভূমিকা পালন কৰিছিল ।
মস্কোত প্ৰৱাসী ভাৰতীয়ক সম্বোধন মোদীৰ (ANI)
নিউজ ডেস্ক, ৯ জুলাই :ৰাছিয়া ভ্ৰমণৰত প্ৰধানমন্ত্ৰী নৰেন্দ্ৰ মোদীয়ে মঙলবাৰে দেশখনৰ প্ৰবাসী ভাৰতীয়সকলৰ সৈতে মত বিনিময় কৰে । প্ৰধানমন্ত্ৰী মোদীয়ে প্ৰেক্ষাগৃহভৰ্তি দেশখনত থকা ভাৰতীয়সকলৰ সন্মুখত তেওঁৰ 'মৰমৰ বন্ধু' ৰাষ্ট্ৰপতি ভ্লাদিমিৰ পুটিনক বিশেষ প্ৰশংসা কৰে । ভাৰত-ৰাছিয়াৰ সম্পৰ্কৰ গভীৰতা বৃদ্ধি কৰাত পুটিনে এক গুৰুত্বপূৰ্ণ ভূমিকা পালন কৰা বুলিও তেওঁ উল্লেখ কৰে ।
ৰাছিয়াৰ প্ৰশংসাৰে পূৰ্ণ ভাষণত প্ৰধানমন্ত্ৰী মোদীয়ে কয় যে ৰাছিয়া এনে এখন দেশ, যিয়ে ভাৰতক সহায় আগবঢ়াবলৈ কেতিয়াও দ্বিধাবোধ কৰা নাই । নিজৰ ভাষণত মোদীয়ে ভাৰত-ৰাছিয়াৰ মাজৰ মিত্ৰতাৰো ভূয়সী প্ৰশংসা কৰে । প্ৰধানমন্ত্ৰী মোদীয়ে লগতে উপস্থিত দৰ্শকসকলক বলীউডৰ চলচ্চিত্ৰসমূহৰ এক নষ্টালজিক উল্লেখেৰেও মোহাচ্ছন্ন কৰি ৰাখে । তেওঁ কয় যে ৰাজ কাপুৰৰ ছবিখনে দুয়োখন দেশৰ মাজত সম্পৰ্ক আৰু সাংস্কৃতিক বিনিময় শক্তিশালী কৰাত বৃহৎ ভূমিকা পালন কৰিছিল ।