হায়দৰাবাদ :আমি সকলোৱে জানো, শান্তিৰ প্ৰতীক বগা পাৰ । সেই বগা পাৰ চৰাইক লৈ নতুন অভিলেখ ৰচিলে তেলেংগানাৰ সুধা ৰেড্ডী ফাউণ্ডেশ্যনে । তেলেংগানাৰ ৰাজধানী হায়দৰাবাদত প্ৰায় ২,১১১ গৰাকী লোক একত্ৰিত হৈ গঠন কৰিলে এক বৃহৎ বগা পাৰৰ আকৃতি । লগে লগে এই বৃহৎ পাৰৰ আকৃতিয়ে গীনিজ ৱৰ্ল্ড ৰেকৰ্ড গঢ়িবলৈ সক্ষম হয় । এই অনুষ্ঠানটো মঙলবাৰে গান্দিপেট মণ্ডলৰ বান্দলাগুড়া জাগিৰ পৌৰ নিগমৰ হিমায়ত সাগৰত অৱস্থিত লৰ্ডছ ইঞ্জিনিয়াৰিং কলেজত অনুষ্ঠিত হয় । সুধা ৰেড্ডী ফাউণ্ডেচনে অনুষ্ঠানটো আয়োজন কৰিছিল, য'ত শিশুৰ পৰা প্ৰাপ্তবয়স্ক লোকসকলে অংশগ্ৰহণ কৰে । সকলোৱে বগা পোছাক পৰিধান কৰে আৰু বিশাল পাৰ চৰাইৰ আকৃতি গঠন কৰে ।
গীনিজ ৱৰ্ল্ড ৰেকৰ্ডছৰ প্ৰতিনিধিসকল অনুষ্ঠানটোত উপস্থিত থাকে আৰু আনুষ্ঠানিকভাৱে এই সাফল্যক স্বীকৃতি দিয়ে । প্ৰতিনিধিসকলে সমাজসেৱক সুধা ৰেড্ডীক এখন প্ৰমাণপত্ৰও প্ৰদান কৰে । এই উল্লেখযোগ্য কৃতিত্ব শান্তি আৰু ঐক্যৰ প্ৰতি এক শ্ৰদ্ধাঞ্জলি হিচাপে দেখা গৈছে । যিয়ে পুনৰ এবাৰ গীনিজ ৱৰ্ল্ড ৰেকৰ্ডত হায়দৰাবাদৰ নাম চিহ্নিত কৰিছে ।