নেশ্যনেল ডেস্ক, 30 জানুৱাৰী : আজি বিহাৰত ৰাহুল গান্ধীৰ ভাৰত জোড়ো ন্যায় যাত্ৰাৰ দ্বিতীয়টো দিন ৷ পশ্চিম বংগত ভাৰত জোড়ো ন্যায় যাত্ৰা সমাপ্ত কৰি সোমবাৰে ৰাহুল গান্ধীয়ে , 29 জানুৱাৰীত বিহাৰত প্ৰৱেশ কৰিছিল । গান্ধীয়ে প্ৰথম দিনা কিষাণগঞ্জ আৰু আৰাৰিয়াৰ পিচত আজি পূৰ্ণিয়াত উপস্থিত হয় । তেওঁ পূৰ্ণিয়াত এখন বিশাল ৰাজহুৱা সভা সম্বোধন কৰিব ।
এই ন্যায় যাত্ৰাৰ বাবে ৰাজ্যখনৰ সকলো কংগ্ৰেছ বিধায়ক, এমএলচি, দলীয় বিষয়া আৰু কৰ্মীসকল পূৰ্ণিয়াত উপস্থিত হৈছে । ইয়াৰ পিচত, এই ন্যায় যাত্ৰা কাটিহাৰত উপস্থিত হ'ব । নিশা তেওঁলোকে কাটিহাৰতে থাকিব বুলি জানিব পৰা গৈছে ৷
পশ্চিমবংগ হৈ বিহাৰত প্ৰৱেশ :
কংগ্ৰেছ নেতা ৰাহুল গান্ধীয়ে সোমবাৰে ভাৰত জোড়ো ন্যায় যাত্ৰাৰে কিষাণগঞ্জত উপস্থিত হয় । তাৰ পৰাই তেওঁৰ যাত্ৰা বিয়লি 3.35 বজাত আৰৰিয়া জিলাৰ জোকিহাট ব্লকৰ সীমান্তত প্ৰৱেশ কৰে । কংগ্ৰেছ কৰ্মীসকলে দুয়ো ঠাইতে গান্ধীক এক বিশাল আদৰণি জনায় ৷ গান্ধীৰ উপস্থিতিৰ বাবে ইতিমধ্যে প্ৰশাসনে কটকটীয়া নিৰাপত্তা বেষ্টনী গঢ়ি তুলিছে লগতে সকলো নিৰাপত্তাৰ ব্যৱস্থা হাতত লৈছে ৷ গান্ধীৰ যাত্ৰাৰ পথত পৰ্যাপ্ত সংখ্যক আৰক্ষী কৰ্মী মোতায়েন কৰা হৈছে।
অৱশ্যে পূৰ্বে কংগ্ৰেছে মুখ্যমন্ত্ৰী নীতিশ কুমাৰকো এই যাত্ৰাত যোগদান কৰিবলৈ আমন্ত্ৰণ জনাইছিল যদিও শেহতীয়াকৈ নীতিশ কুমাৰে ভাৰত মিত্ৰজোঁট ত্যাগ কৰি এনডিএত যোগদান কৰে।