নিউজ ডেস্ক, ৩ ছেপ্টেম্বৰ:১৪ ছেপ্টেম্বৰৰ পিছত আধাৰ কাৰ্ডৰ সবিশেষ আপডেট অনলাইনত বিনামূলীয়াকৈ কৰিব নোৱাৰিব । ভাৰতীয় একক পৰিচয় প্ৰাধিকৰণে আধাৰ কাৰ্ডৰ সবিশেষ বিনামূলীয়াকৈ আপডেট কৰাৰ সময়সীমা মূলতঃ ১৪ ছেপ্টেম্বৰলৈকে বৃদ্ধি কৰিছে ।
আধাৰৰ সবিশেষ কিয় আপডেট কৰিব লাগে ?
আধাৰৰ সবিশেষ আপডেট কৰিলে আধাৰ সম্পৰ্কীয় প্ৰৱঞ্চনা ৰোধ হ’ব যিবোৰ শেহতীয়া সময়ত বহু পৰিমাণে বৃদ্ধি পাইছে । আধাৰ নামভৰ্তি আৰু আপডেট নিয়মাৱলী, ২০১৬ অনুসৰি, “আধাৰ নম্বৰধাৰীয়ে তেওঁক নিযুক্ত কৰা আধাৰ নম্বৰ সৃষ্টিৰ তাৰিখৰ পৰা ১০ বছৰৰ প্ৰতিটো সময়সীমা সম্পূৰ্ণ কৰাৰ পিছত নথিপত্ৰ বা পৰিচয়ৰ প্ৰমাণ কৰা তথ্যসমূহ অন্ততঃ এবাৰ আপডেট কৰিব পাৰে ৷"
আধাৰৰ সবিশেষ কেনেকৈ আপডেট কৰিব পাৰি ?
আধাৰৰ সবিশেষ তলত দিয়া ধৰণে আপডেট কৰিব পাৰি :
(ক) নামভৰ্তি কেন্দ্ৰ বা আপডেট কেন্দ্ৰ বা নামভৰ্তি আৰু আপডেট কেন্দ্ৰত নথিপত্ৰ উপস্থাপন কৰা ।
(খ) কৰ্তৃপক্ষৰ ৱেবছাইট বা মোবাইল এপ্লিকেচনত নথিপত্ৰৰ কপি ইলেক্ট্ৰনিকভাৱে আপলোড কৰা
(গ) এনে তথ্য প্ৰস্তুত কৰা বা ৰক্ষণাবেক্ষণৰ সৈতে জড়িত কৰ্তৃপক্ষৰ তথ্যকোষৰ পৰা প্ৰমাণসমূহৰ প্ৰমাণ দিয়া তথ্যসমূহ ইলেক্ট্ৰনিকভাৱে লাভ কৰাৰ বাবে সন্মতি প্ৰদান কৰা, যাতে কেন্দ্ৰীয় পৰিচয় তথ্য ভঁৰালত থকা তথ্যসমূহৰ অবিৰত সঠিকতা নিশ্চিত কৰাত সহায় কৰে ৷
অনলাইনত আধাৰৰ সবিশেষ কেনেকৈ আপডেট কৰিব?
অনলাইনত আধাৰ কাৰ্ড আপডেট কৰাৰ বাবে কোনোধৰণৰ কোনো মাচুল লোৱা নহয় । অৱশ্যে আধাৰ কেন্দ্ৰত অফলাইন কৰিলে ৫০ টকা মাচুল দিব লাগিব ।
পৰিচয়ৰ প্ৰমাণ আৰু ঠিকনাৰ প্ৰমাণকে ধৰি আধাৰৰ সবিশেষ ইউ আই ডি এ আইৰ ৱেবছাইট আৰু মোবাইল এপ্লিকেচনৰ জৰিয়তে অনলাইন আপডেট কৰিব পাৰিব । অনলাইনত বিৱৰণ আপডেট কৰিবলৈ এটা ষ্টেপ-বাই-ষ্টেপ গাইড দিয়া হৈছে :
ষ্টেপ ১:myAadhaar পৰ্টেললৈ যাওক ।
প্ৰথম পদক্ষেপ (myAadhaar Portal) ষ্টেপ ২: ‘Login’ ত ক্লিক কৰক । আপোনাৰ আধাৰ নম্বৰ আৰু কেপচা ক’ড দিয়ক আৰু ‘Send OTP’ টো ক্লিক কৰক । OTP ত প্ৰৱেশ কৰি ‘Login’ ত ক্লিক কৰক ।
দ্বিতীয় পদক্ষেপ (myAadhaar Portal) ষ্টেপ ৩: ‘Document Update’ত ক্লিক কৰক ।
তৃতীয় পদক্ষেপ (myAadhaar Portal) ষ্টেপ ৪: গাইডলাইন পঢ়াৰ পিছত ‘Next’ ত ক্লিক কৰক ।
চতুৰ্থ পদক্ষেপ (myAadhaar Portal) ষ্টেপ ৫: ‘Verify Your Demographic Details’ পৃষ্ঠাত ‘I verify that the above details are correct’ বাকচটোত ক্লিক কৰক আৰু ‘Next’ ক্লিক কৰক ।
পঞ্চম পদক্ষেপ (myAadhaar Portal) ষ্টেপ ৬: ‘‘Proof of Identity’ আৰু ‘Proof of Address’ নথিপত্ৰ আপলোড কৰক আৰু ‘Submit’ ক্লিক কৰক।
ষষ্ঠ পদক্ষেপ (myAadhaar Portal) ষ্টেপ ৭: আপুনি আপোনাৰ ইমেইলত এটা ‘Service Request Number (SRN)’ লাভ কৰিব । আপুনি আপোনাৰ দস্তাবেজ আপডেট অৱস্থা SRN ৰ পৰা অনুসৰণ কৰিব পাৰিব ।
আপোনাৰ আধাৰ কাৰ্ডৰ সবিশেষ সাত কৰ্মদিনৰ ভিতৰত আপডেট কৰা হ'ব ।
আধাৰ উন্নীতকৰণৰ বাবে কি কি নথি-পত্ৰৰ প্ৰয়োজন ?
আপোনাৰ আধাৰ সবিশেষ নবীকৰণ কৰিবলৈ myAadhaar পৰ্টেলত আপলোড কৰিবলগীয়া নথিপত্ৰসমূহ তলত দিয়া হ'ল:
পৰিচয়ৰ প্ৰমাণ
- পাছপ'ৰ্ট
- ড্ৰাইভিং লাইচেন্স
- পান কাৰ্ড
- ভোটাৰ আইডি কাৰ্ড
- লেবাৰ কাৰ্ড
- স্কুল লিভিং চাৰ্টিফিকেট (SLC)/ স্কুল ট্ৰেন্সফাৰ চাৰ্টিফিকেট (TC)
- স্বীকৃতিপ্ৰাপ্ত শিক্ষা ব’ৰ্ড বা বিশ্ববিদ্যালয়ৰ দ্বাৰা প্ৰদান কৰা নম্বৰ শ্বীট/প্ৰমাণপত্ৰ
- বিবাহৰ প্ৰমাণ পত্ৰ
- ৰেচন কাৰ্ড
- ঠিকনাৰ প্ৰমাণ
বেংকৰ পাছবুক
- বিদ্যুৎ বা গেছ সংযোগৰ বিল
- পাছপ'ৰ্ট
- বিবাহৰ প্ৰমাণ পত্ৰ
- ৰেচন কাৰ্ড
- সম্পত্তি কৰ ৰচিদ
- ১৪ ছেপ্টেম্বৰৰ পিছত কি হ’ব ?
১৪ ছেপ্টেম্বৰত myAadhaar পৰ্টেলত আধাৰ সবিশেষ আপডেট কৰাৰ অন্তিম তাৰিখ । ১৪ ছেপ্টেম্বৰৰ পিছত ২৫ টকা মাচুল দি আধাৰ কাৰ্ডৰ বাবে পৰিচয় প্ৰমাণ আৰু ঠিকনাৰ নথি-পত্ৰ আপডেট কৰিব লাগিব ।
লগতে পঢ়ক:14 ছেপ্টেম্বৰৰ পূৰ্বে এই সহজ পদ্ধতিৰে নৱীকৰণ কৰক আপোনাৰ আধাৰ কাৰ্ডখন - Updation of Aadhaar details
