جونپور جیل میں ہنگامہ اور آتشزدگی، ویڈیو وائرل

در اصل ریاست اترپردیش کے ضلع جونپور میں ایک قیدی کی موت کے بعد دیگر ساتھی قیدیوں نے جیل میں آگ لگادی۔ خبروں کے مطابق جونپور کے ضلع جیل میں سزا یافتہ قیدی بھاگیش مشرا کی موت پر باقی قیدیوں میں ناراضگی پائی جارہی تھی۔ قیدیوں نے ہنگامہ کرتے ہوئے جیل میں آگ لگادی۔ ہلاک ہونے والے قیدی کے تعلق سے جیل سپرنٹنڈنٹ ایس کے پانڈے نے بتایا کہ قیدی دوہری سزائے عمر قید کے تحت جیل میں مقید تھا۔ ان کی طبیعت خراب ہونے کے بعد انہیں ضلع ہسپتال لے جایا جارہا تھا اس دوران کی موت ہوگئی۔