اپنی بے بسی پر ماتم کرتی خوبصورت بھلسوا جھیل

دہلی کے شمال مغربی ضلع کی بھلسوا جھیل (موتی جھیل) کی خوبصورتی دیکھنے والوں کو حیران کر دیتی تھی۔ یہ جھیل سیاحوں کی دلچسپی کا مرکز بنی رہتی تھی۔ جھیل کے اطراف پھیلی ہریالی، تازہ ہوا اور نیلا پانی سیاحوں کی تسکین کا باعث بنتا تھا، بھلسوا جھیل آنے والے بوٹنگ سے بھی خوب لطف اندوز ہوتے تھے۔ سائیبیرین پرندے بھی بسیرا کرتے تھے لیکن اب جھیل کو دیکھ کر رونا آتا ہے۔ گزشتہ کئی برسوں سے سیاحوں نے یہاں آنا چھوڑ دیا ہے کیونکہ جھیل کا پانی بالکل گندہ ہو گیا ہے، پانی سوکھ رہا ہے اور ہر طرف لمبی لمبی جھاڑیاں نکل گئی ہیں۔