حیدرآباد: انٹرنیشنل مینوپاز کمیٹی (آئی ایم ایس) نے ورلڈ ہیلتھ آرگنائزیشن کے تعاون سے اکتوبر مہینے کو 2009 میں عالمی مینوپاز بیداری مہینے کے طور پر نامزد کیا تھا۔ اور اسی کے تحت ہر سال 18 اکتوبر کو ورلڈ مینوپاز ڈے کے طور پر منایا جاتا ہے۔ اس دن کا مقصد خواتین میں مینوپاز کے بارے میں بیداری پیدا کرنا ہے۔ Effects of menopause on Women's Health
مینوپاز خواتین میں 45 سے 55 سال کی عمر کے درمیان ہوتی ہے۔ مینوپاز کے دوران خواتین میں جسمانی اور ذہنی دونوں طرح کی تبدیلیاں پائی جاتی ہیں۔ میڈیکل سائنسز کے مطابق یہ تبدیلیاں اتنی سست اور معمولی ہوتی ہیں کہ عورت کو کوئی تکلیف محسوس نہیں ہوتی۔ تاہم، کچھ خواتین کو خاص مسائل کا سامنا کرنا ہوتا ہے۔ مینوپاز کی علامات خواتین میں مختلف طریقے سے ظاہر ہوتی ہے۔ کچھ میں حیض اچانک بند ہو جاتا ہے، جبکہ کچھ میں یہ عمل 1-2 سال تک رہتا ہے۔ کئی معاملات میں یہ بھی دیکھا گیا ہے کہ کچھ خواتین 45 سال کی عمر سے پہلے ہی مینوپاز میں آجاتی ہیں۔
مینوپاز کی علامات: نیند نہ آنا، رات کو بے سکونی اور پسینہ آنا، جسم کے مختلف حصوں میں درد، چڑچڑاپن، من کا اداس رہنا، بے چینی، تھکاوٹ، جسمانی کمزوری میں اضافہ، معدے سے متعلق مسائل، قوت ہضم کی کمزوری، متلی اور قے، مسلسل قبض، اندام نہانی کا خشک ہونا اور بال گرنا. ہارمونل تبدیلیوں کی وجہ سے سر درد ہونا شامل ہیں۔ تاہم یہ خواتین کی زندگی کا ایک اہم پہلو ہے۔ Effects of menopause on Women's Health
مزید پرھیں:
یوگا اور ورزش صحت کو برقرار رکھے گی: خواتین کو مینوپاز کے بعد باقاعدگی سے ورزش کرنا چاہئے۔ اس سے صحت اچھی ہوگی اور نیند بھی اچھی آئے گی اور آپ بہتر محسوس کریں گے۔ بعض خواتین میں مینوپاز کے بعد ہڈیاں بھی کمزور ہو جاتی ہیں۔ اس لیے دودھ، دہی، انڈے وغیرہ کو اپنے خوراک میں شامل کرنا چاہیے۔ مینوپاز کے دوران ڈپریشن، تناؤ، اکیلے رہنے کی عادت اور بے خوابی جیسے مسائل ہوسکتے ہیں۔ یہ مسئلہ ہونے پر طبی مشورہ ضرور لیں۔ چونکہ مینوپاز عمر کا ایک مرحلہ میں ہوتا ہے، خواتین کو اس سے مکمل طور پر چھٹکارا پانا مشکل ہوتا ہے۔ ایسی صورتحال میں بہت سے خواتین طرز زندگی میں تبدیلیاں لا کر راحت محسوس کرتی ہیں۔ مینوپاز عورت کی زندگی میں ایک قدرتی عمل ہے۔ ایسے میں خواتین خاندانی اور سماجی تعاون اور مثبت سوچ کے ساتھ اس عمل پر آسانی سے قابو پا سکتی ہیں۔
