حیدرآباد: اکثر لوگ اپنی خوراک میں تمام غذائی اجزاء شامل کرنے کی کوشش کرتے ہیں لیکن کئی بار ایسا ممکن نہیں ہوتا۔ بہت سی غذائیں ایسی ہوتی ہیں جن میں فائبر یا پروٹین کی مقدار بہت زیادہ ہوتی ہے، لیکن ان میں وٹامنز نہ کے برابر ہوتے ہیں۔ اس کے ساتھ ساتھ بعض چیزوں میں اینٹی آکسیڈنٹس وافر مقدار میں پائے جاتے ہیں لیکن جسم کو جن منرلز کی ضرورت ہوتی ہے وہ ان چیزوں میں نہیں پائے جاتے ہیں۔ ایسے میں آج ہم آپ کو کچھ ایسے سپر فوڈز کے بارے میں بتانے جارہے ہیں جو آپ کے جسم کی تمام ضروریات کو پورا کرسکتے ہیں۔
سپر فوڈز کیا ہیں
سپر فوڈز ہم اسے کہتے ہیں جن میں غذائی اجزاء کی بڑی مقدار موجود ہوتی ہے۔ اس کا مطلب یہ ہے کہ سپر فوڈز کم کیلوریز کے ساتھ آپ کے جسم میں غذائی اجزاء کی مقدار کو پورا کرنے کی طاقت رکھتے ہیں۔ سپر فوڈز میں معدنیات، وٹامنز اور اینٹی آکسیڈنٹس کثیر مقدار میں پائی جاتی ہے۔ اینٹی آکسیڈنٹس ایک قدرتی مالیکیولز ہے جو مختلف کھانے کی اشیاء میں پائے جاتے ہیں۔ یہ ہمارے جسم کو فری ریڈیکلز سے بچانے میں مدد کرتے ہیں۔
روزانہ ان سپر فوڈز کا استعمال صحت کے لیے فائدہ مند
بلیو بیریز: بلیو بیریز میں فائبر، میگنیشیم، وٹامن کے اور اینٹی آکسیڈنٹس کثیر مقدار میں پائے جاتے ہیں۔ یہ ہمارے بلڈ پریشر کو کم کرنے اور دل سے متعلق بیماریوں سے بچنے میں مدد کرتے ہیں۔
گوجی بیریز: اس میں وٹامنز، معدنیات، فائبر، آئرن، کاپر، امینو ایسڈ اور پروٹین پائے جاتے ہیں۔ گوجی بیری میں اینٹی آکسیڈنٹ کی خصوصیات بھی ہوتی ہیں۔ یہ ہمارے گردے، جگر اور آنکھوں کے لیے بہت فائدہ مند ہوتے ہیں۔
سبز پتوں والی سبزیاں: پالک اور کیلے جیسے ہری پتے دار سبزیوں کو سپر فوڈ سمجھا جاتا ہے۔ ان میں وٹامن اے، سی، ای وافر مقدار میں پائے جاتے ہیں۔ اس کے ساتھ ساتھ ان میں آئرن، میگنیشیم، پوٹاشیم اور کیلشیم بھی ہوتا ہے۔
سالمن مچھلی: سالمن اور باقی فیٹی فش میں اومیگا تھری فیٹی ایسڈز زیادہ مقدار میں پائے جاتے ہیں۔ جو جسم کے خراب کولیسٹرول کی سطح کو کم کرتے ہیں اور دل کی غیر معمولی دھڑکن کے خطرے کو بھی کم کرتا ہے۔
نٹس: اخروٹ اور بادام جیسے گری دار میوے پودوں پر مبنی پروٹین کے اچھے ذرائع ہیں۔ ان میں monounsaturated فیٹ ہوتا ہے، جو دل کی بیماری کے خطرے کو کم کرنے میں مدد کر سکتا ہے۔
مزید پڑھیں:
بیج: سورج مکھی، کدو، چیا کے بیج اور سن کے بیجوں کو صحت بخش آپشن سمجھا جاتا ہے۔ آپ انہیں نمکین کے طور پر بھی کھا سکتے ہیں۔ ان بیجوں کے استعمال سے دل کے امراض، ہائی بلڈ پریشر اور کولیسٹرول کے مسائل سے نجات مل سکتی ہے۔
