حیدرآباد: ہائی کولیسٹرول کی سطح آپ کے دل کی صحت کو متاثر کر سکتی ہے۔ خون میں تیزی سے جمع ہونے والا ایک گندا مادہ ہارٹ اٹیک، فالج اور دل سے متعلق امراض کے خطرے کو بڑھاتا ہے۔ غلط خوراک خران طرز زندگی اور ورزش کی کمی کی وجہ سے کولیسٹرول کی سطح میں اضافہ ہوتا ہے۔
یہ موم کی طرح ایک چپچپا مادہ ہے، جو چکنائی سے بھرپور غذاؤں کے زیادہ استعمال کی وجہ سے خون کی رگوں میں جمع ہو جاتا ہے۔ اس کی وجہ سے خون کی نالیوں میں رکاوٹ پیدا ہونے لگتی ہے اور خون کا بہاؤ سست ہو جاتا ہے جس سے کئی بیماریوں کا خطرہ مزید بڑھ جاتا ہے۔
کولیسٹرول کا آیورویدک علاج کیا ہے؟
کولیسٹرول کو کم کرنے کے بہت سے طریقے ہیں لیکن سب سے پہلے آپ کو چربی سے بھرپور غذاؤں سے دور رہنا ہوگا۔ اس کے علاوہ روزانہ ورزش ضروری ہے تاکہ یہ پگھل کر جسم سے باہر نکل سکے۔ کولیسٹرول کا آیورویدک علاج بھی ہے۔
کولیسٹرول کو کم کرنے کے لیے شہد کو خوراک میں شامل کریں
ڈاکٹرز کے مطابق شہد خراب کولیسٹرول کو خون کی شریانوں میں جانے سے روکتا ہے۔ اس کے لیے 1 کپ گرم پانی میں 1 چائے کا چمچ شہد اور لیموں کا رس اور چند قطرے ایپل سائڈر سرکہ مکس کرکے پی لیں۔
کولیسٹرول بڑھنے پر لہسن کو خوراک میں شامل کریں
لہسن میں سلفر پایا جاتا ہے۔ یہ ایک ایسی غذا ہے، جو ہائی کولیسٹرول کی سطح کو کنٹرول کرنے میں مدد کرتا ہے۔ اس کا گھریلو علاج یہ ہے کہ لہسن کی 6 سے 8 لونگ پیس کر 50 ملی لیٹر دودھ اور 200 ملی لیٹر پانی میں ابال پر استعمال کریں۔
ہلدی کولیسٹرول کو کم کرنے میں فائدہ مند
ہلدی ایک ایسا مسالا ہے جو شریانوں کی دیواروں پر جمع ہونے والی پلیک کو کم کرتی ہے اور رگوں میں جمع کولیسٹرول کو توڑتی ہے۔ اس کے لیے آپ ہلدی کو نیم گرم پانی میں ملا کر پی سکتے ہیں۔
میتھی کے بیج کولیسٹرول کو کم کرتا ہے
میتھی کے بیجوں میں پوٹشیم، آئرن، زنک، کیلشیم اور دیگر غذائی اجزاء ہوتے ہیں، جو جسم سے کولیسٹرول کو کم کرتے ہیں۔ اس کے لیے ایک چائے کی چمچ میتھی کا پاؤڈر دن میں دو بار نیم گرم پانی کے ساتھ استعمال کریں۔
دھنیا کے بیج کولیسٹرول کے لیے مفید
دھنیا اپنے ہائپوگلیسیمک اثر کی وجہ سے ہائی کولیسٹرول کو کم کر سکتا ہے۔ دھنیا کے بیج ذیابیطس کے مریضوں کے لیے بھی موثر ہے اور بلڈ شوگر کو کم کرنے کا کام کرتی ہے۔ اس کے لیے 1 کپ پانی میں 2 چمچ ہلدی ڈال کر ابال لیں اور دودھ، چینی، الائچی پاؤڈر کے ساتھ ملا کے دن میں دو بار استعمال کریں۔
سیب کولیسٹرول کو کم کرتا ہے
سیب پیکٹین سے بھرپور ہوتے ہیں اور اس میں قدرتی اینٹی آکسیڈنٹ پائے جاتے ہیں، جسے فلیوونائڈز کہتے ہیں، جو کولیسٹرول کی بلند سطح کو کم کرتے ہیں اور یہاں تک کہ آپ کے پھیپھڑوں اور دل کو صحت مند رکھتے ہیں۔ اس کے لیے روزانہ ایک سیب کھائیں۔
چقندر کولیسٹرول کے لیے فائدہ مند
چقندر میں carotenoids اور flavonoids ہوتے ہیں جو LDL یعنی گندے کولیسٹرول کو کم کرنے میں مددگار ہوتے ہیں۔ یہ ایک ایسی سبزی ہے، جو بلڈ شوگر اور بلڈ پریشر کو بھی کنٹرول کرتی ہے۔ اس کے لیے آپ اسے سلاد میں شامل کر سکتے ہیں یا اس کا رس پی سکتے ہیں۔
مزید پڑھیں:
سیب کا سرکہ
سیب کا سرکہ ہائی کولیسٹرول کی سطح کو کنٹرول کرنے میں مدد کرتا ہے، کولیسٹرول کے مریضوں کو اسے کم از کم ایک ماہ تک دن میں 2-3 بار لینا چاہئے۔ اس کے استعمال کا طریقہ یہ ہے کہ ایک گلاس پانی میں 1 چائے کا چمچ ایپل کا سرکہ ملا کر باقاعدگی سے پی لیں۔ اس کے علاوہ آپ اپنے کھانے میں پالک شامل کر سکتے ہیں اور دال چینی، شہد کے آمیزے سے تیار چائے دن میں تقریباً دو بار لے سکتے ہیں۔
