شمالی 24 پرگنہ: مغربی بنگال کے شمالی 24 پرگنہ کے سالٹ لیک میں سی جی او کمپلیکس میں انفورسمنٹ ڈائریکٹوریٹ نے جماعت ترنمول کانگریس کے قومی جنرل سیکریٹری اور رکن پارلیمان ابھیشیک بنرجی سے کوئلہ اسمگلنگ کے معاملے میں طویل تقریبا ساڑھے آٹھ گھنٹوں تک پوچھ گچھ کی۔ گھنٹوں کی پوچھ گچھ کے بعد انفورسمنٹ ڈائریکٹوریٹ کے دفتر سے باہر آتے ہی رکن پارلیمان ابھیشیک بنرجی نے بی جے پی پر شدید تنقید کی۔
ترنمول کانگریس کے رکن پارلیمان ابھیشیک بنرجی نے کہاکہ وہ کسی بھی قیمت پر بی جے پی کے سامنے خودسپردگی کرنے والے نہیں ہیں ۔اس کے لئے انہیں چاہئے کتنی بھی قیمت چکانی ناپڑجائے۔انفورسمنٹ ڈائریکٹوریٹ آج ساڑھے آٹھ گھنٹوں تک پوچھ گچھ کی اگر وہ مجھے تیس مرتبہ تحقیقات بلائیں گے تو وہ ای ڈی کے دفتر میں حاضرہوں گے۔
انہوں نے کہاکہ وہ بے قصوروار ہیں۔ انہیں جھوٹے الزام میں پھنسانے کی کوشش کی جارہی ہے۔ای ڈی آج سے نہیں تقریبا دو تین برسوں سے کوئلہ اسمگلنگ معاملے کی تفتیش کررہی ہے۔ان برسوں کے دوران کئی مرتبہ انہیں پوچھ گچھ کے لئے کبھی دہلی بلایا گیا تو کبھی سالٹ لیک۔ای ڈی آج تک کوئلہ اسمگلنگ کے معاملے میں ان کے خلاف ثبوت پیش مہیں کرسکاہے۔
ان کاکہنا ہے کہ امت شاہ کے شارے پر یہ سب کیا جارہاہے۔گزشتہ روز ان کے بیٹے جے شاہ کی غلطی کو بھارت کی عوام کے سامنے لایا تھا اسی کی سزا آج دی گئی۔بی جے پی اور امت شاہ کی تمام ترکوششوں کے باوجود وہ خودسپردگی کرنے والے نہیں ہیں۔وہ سچے ہیں اور بے قصوروار ثابت ہوں گے ۔امت شاہ پر لفظی حملہ کرتے ہوئے کہاکہ بنگال میں جانوروں کے اسمگلنگ سے حاصل ہونے والی راقم بی جے پی کے رہنما تک پہنچی ہے۔کوئلہ اسمگلنگ کی تفتیش جاری ہے لیکن جانوروں کے اسمگلنگ کی کمائی جس کے پاس ہے اس کے خلاف کارروائی تو دور کی بات ہے اس سلسلے میں ان سے کوئی سوال کرنے کی اہمیت نہیں کرتاہے۔
یہ بھی پڑھیں:Abhishek Banerjee's ED appearance کوئلہ اسمگلنگ معاملے میں ابھیشیک بنترجی کی انفورسمنٹ ڈائریکٹوریٹ کے سامنے پیشی
غورطلب ہے کہ مغربی بنگال کے جنوبی 24 پرگنہ کے ڈائمنڈہاربرسے ترنمول کانگریس کے رکن پرلیمان اور پارٹی کے قومی جنرل سیکریٹری ابھیشیک بنرجی کوئلہ اسمگلنگ کے ایک معاملے میں انفورسمنٹ ڈائریکٹوریٹ کے سامنے پیش ہوئے۔سالٹ لیک کے سی جی او کملیکس میں سخت سیکیورٹی انتظامات کئے گئے تھے۔
انفورسمنٹ ڈائریکٹوریٹ نے دعویٰ کیا ہے کہ ماجی اس معاملے میں ایک اہم ملزم یا 'کنگ مین'کا پارٹنر ہے، انوپ ماجی اور اس نے کوئلے کی کان کنی کے غیر قانونی کاروبار کے ذریعے پیدا ہونے والے کی آمدنی سے 66 کروڑ روپے سے زیادہ وصول کیے ہیں۔ منی لانڈرنگ کا یہ ای ڈی کیس نومبر 2020 میں سی بی آئی کے ذریعہ درج کی گئی ایف آئی آرکی بنیاد پر کیا گیا تھا۔
اس میں آسنسول اور آسنسول کے آس پاس مغربی بنگال کے کنستوریا اور کجورہ علاقوں میں ایسٹرن کول فیلڈز لمیٹڈ کی کانوں سے متعلق کروڑوں روپے کے کوئلے کی چوری کے گھپلے کا الزام ہے۔ ای ڈی نے اس معاملے میں گزشتہ سال مئی میں چارج شیٹ داخل کی تھی۔ایجنسی نے کہا ہے کہ اس کیس میں جرم کی کل رقم 1,352 کروڑ روپے ہے اور اس نے اب تک 180 کروڑ روپے کے اثاثے ضبط کئے ہیں۔
