مغربی بنگال: بیشتر اضلاع میں بارش سے عوام پریشان

مغربی بنگال کے دارالحکومت کولکاتا اور اس کے اطراف کے اضلاع شمالی 24 پرگنہ، جنوبی 24 پرگنہ، ہوڑہ اور ہگلی میں صبح سے ہی بارش کا سلسلہ شروع ہوا ہے جو اب تک جاری ہے۔ اس بارش سے عوام کو پریشانیوں کا سامنا کرنا پڑرہاہے۔

ریاست کے مختلف اضلاع میں وقفہ وقفہ سے دن بھربارش ہونے کے سب عام لوگوں کو بڑی پریشانیوں کا سامنا کرنا پڑارہا ہے ۔
شمالی 24 پرگنہ اور جنوبی 24 پرگنہ کے موسلادھار بارش کے سبب بیشتر علاقوں میں بارش کا پانی جمع ہو گیا۔ جس سے ٹریفک نظام درہم برہم ہو گیا۔
علی پور محکمہ موسمیات کے مطابق اگلے 24 گھنٹوں کے دوران کسی بھی وقت ریاست میں مانسون کی آمد یقینی ہے.

انہوں نے کہا کہ مونسون کی آمد سے قبل ریاست کے مختلف اضلاع میں بارش ہو رہی ہے۔ اور اگلے دو تین دنوں تک جاری رہے گی. مانسون کی آمد کے ساتھ ریاست تمام اضلاع میں بارش کا سلسلہ شروع ہو جائے گا.
محکمہ موسمیات کا کہنا ہے کہ کیرالہ اور مہاراشٹر میں مانسون کی آمد ہو چکی ہے. اس کے بعد بنگال میں پہنچنے میں تین سے چار دنوں کا وقت لگ سکتا ہے.
واضح رہے کہ گزشتہ ماہ 26 مئی کو یاس نامی طوفان کے سبب خلیج بنگال سے متصل اضلاع میں بھاری تباہی مچی ہے. اس کا موسم پر بھی گہرا اثر پڑا ہے.
آئندہ 26 جون کو ہگلی ندی میں ہواؤں کے دباؤ کا دائرہ بڑھتا جا رہا ہے. اس کے سبب بنگال میں ایک اور طوفان آنے کا امکان ہے.