کلکتہ گرلس کالج کے شعبہ اردو کے زیر اہتمام اس ویبنار میں مختلف شعبہ ہائے زندگی کے نمائندوں نے اظہار خیال کیا اور مقالے پیش کئے۔
متعلقہ کالج کے صدر شعبہ اردو ڈاکٹر نعیم انیس، کالج کی پرنسپل/ سکریٹری ڈاکٹر ستیہ اپادھیائے اور کمپیوٹر اسسٹنٹ آنسہ نیہا رائے نے سیمینار کے اس متبادل نظم کو کامیاب بنانے میں بنیادی کردار ادا کیا۔
شرکاء میں دہلی یونیورسٹی کے شعبہ اردو کے ایسوسی ایٹ پروفیسر ڈاکٹر محمد کاظم، ونوبا بھاوے یونیوسٹی کے پروفیسر ڈاکٹر زین رامش، چودھری چرن سنگھ یونیورسٹی کے شعبہ اردو کے سربراہ پروفیسر اسلم جمشید پوری، کلکتہ گرلس کالج کی گیسٹ لکچرر شیریں ظفر، مرحوم افضل صاحب کے بیٹے تنویر افضل، کلکتہ یونیورسٹی کے نشاط عالم، مولانا آزاد اردو یونیورسٹی کے شاہد اقبال، ٹی وی رائٹر زماں حبیب، مدرس اصغر شمیم، شاعر و صحافی عبدالسلام عاصم اور دوسرے شامل تھے۔
صدارت کے فرائض ایل این متھلا یونیورسٹی کے صدر شعبہ اردو پروفیسر رئیس انور نے انجام دئیے اور نقابت ڈاکٹر نعیم انیس کی۔ آصف علی مرزا نے افضل صاحب کی غزلوں کو اپنی مترنم آواز دی اور شکریہ دائم محمد انصاری نے پیش کی۔
