مغربی بنگال کے مختلف اضلاع میں شہریت ترمیمی بل اور این آر سی کے خلاف بڑے پیمانے پر پرتشدد مظاہرے کاسلسلہ جاری ہے ۔ اس دوران ہوڑہ اور سیالدہ اسٹیشنوں سے روانہ ہونےو الی لمبی دور کی ٹرینیوں کی سروس متاثر ہوئی ہے۔
شہریت ترممی بل کے خلاف احتجاج کے دوران لوگوں نے ریاست کے مرشدآباد ضلع کے جنگی پور اسٹیشن مینجرکے کمرے میں جم کر توڑ پھوڑ کی ۔
مظاہرے کے دوران لوگوں نے ریلوے ٹریک پر درخت کے ڈال کاٹ کر ریلوے ٹریک پر پھینک دیا ۔ ریلوے ٹریک جم ہونے کی وجہ سے انٹرسٹی ٹرینوں کی آمدورفت پوری طرح سے متاثر ہوئی۔
مظاہرین نے شہریت ترمیمی بل کے خلاف احتجاج کرتے ہوئے قومی شاہراہ یکے بعد دیگر سرکاربسوں میں آگ لگادی۔ پرُتشدد مظاہرے کے سبب قومی شاہراہ پر ٹریفک نظام پوری طرح سے ٹھپ پڑ گئی۔
جنگی پور جی آر پی اورجنگی پور پولیس کو حالات پر قابو میں کرنے کے لیے بڑی مشقت کا سامنا کرنا پڑا۔پولیس کو حالات پر قابو میں کرنے کے لیے آنسو گیس کے گولے داغنے پڑے۔
پولیس کاکہنا ہے کہ حالات کو قابو میں کرنے کے لیے لاٹھی چارج کرنا پڑا۔ اس دوران کسی کے زخمی ہونے کی اطلاع نہیں ہے۔
دوسری طرف ہوڑہ ضلع کے کونا ایکسپریش وے پر شہریت ترمیمی بل کے خلاف احتجاج کے دوران لوگوں نے سرکاری بسوں میں آگ لگادی۔
مظاہرین نے پہلے مسافروں کو بس سے نیچے اتارا اور پھر یکے بعد دیگر بسوں میں آگ لگادی ۔
فائر بریگیڈ کے اہلکار جب آگ بجھانے کے لیے جائے وقوع پر پہنچے توانہیں مظاہرین کے احتجاج کا سامنا کرنا پڑا۔
واضح رہے کہ مغربی بنگال کے مختلف اضلاع میں گزشتہ روز جمرہ سے شہریت ترمیمی بل کے خلاف پرُتشدد مظاہرے کاسلسلہ جاری ہے ۔ مظاہرے کے دوران سرکاری املاک کو نقصان پہنچانے کی اطلاع موصول ہوئی ہے۔
