مغربی بنگال کےضلع ہگلی کے سری رامپور سے ترنمول کانگریس کے رکن پارلیمان وکیل کلیان بنرجی نے کہاکہ ملک میں کوروناوائرس کے مریضوں کی تعداد میں زبردست اضافہ ہو اہے ۔
انہوں نے کہاکہ کورونابحران کے درمیان سیاست بھی عروج پر ہے ۔بی جے پی سمیت تمام سیاسی پارٹیوں کو کورونا سے زیادہ سیاست کی فکر ہے ۔اس لئے وہ افواہ پھیلانے میں مصروف ہیں۔
ترنمول کانگریس کے رکن پارلیمان کاکہنا ہے کہ اپوزیشن پارٹیوں اور چند میڈیا والوں نے ریاست میں افوا پھیلانے کی ذمہ داری اٹھا رکھی ہیں۔ لوگوں کو گمراہ کرنے میں مصروف ہیں۔
وکیل کلیان بنرجی کاکہنا ہے کہ میں بالکل تندرست اور صحتیاب ہوں۔ مجھے کوئی کورونا وائرس نہیں ہوا۔بے بنیاد اور گمراہ کن خبروں کو عوام تک پہنچانے کی کوشش کی جارہی ہے اس سے مجھے یا میری پارٹی کو کوئی فرق نہیں پڑے گا۔
انہوں نے کہاکہ چند دنوں قبل میرے مکان کے سکیورٹی گارڈ کو کورونا متاثر پائے جانے کی تصدیق ہوئی تھی۔ ایک ذمہ دار شخص کی طرح میں نے اپنے ملازم کا ٹیسٹ کرایا ۔
انہوں نے کہاکہ ملازم کی رپورٹ آنی باقی ہے۔ ہم سب احتیاط برت رہے ہیں۔ ہاں اتنا ضرور کہوں گا کہ اگر ایسا کچھ بھی ہو تا ہے تو میں اپوزیشن پارٹیوں اور میڈیا والوں کو ضروربتاوں گا۔
