سلی گڑی: مغربی بنگال پولیس کی ایس ٹی ایف نے سلی گوڑی سے بہار کے چمپارن ضلع سے تعلق رکھنے والے ایک ٹوٹو ڈرائیور کو پاکستانی خفیہ ایجنسی آئی ایس آئی سے مبینہ رابطہ رکھنے کے الزام میں گرفتار کرلیا۔ جلپائی گوڑی عدالت نے گرفتار شخص کو 14 دنوں تک ایس ٹی ایف کی تحویل میں رکھنے کا حکم دیا۔ West Bengal STF Nabs ISI Agent From Siliguri
آئی ایس آئی کے مبینہ ایجنٹ گڈو کمار نے سلی گوڑی کے بھارت نگر میں دو سال قبل ایک مکان کرائے پر لیا۔ ایس ٹی ایف کے مطابق ملزم وہاں رہ کر اہم جانکاریاں فراہم کرنے کا کام کر رہا تھا۔ بہار کے چمپارن علاقے کے رہنے والے گڈو کی حرکات پر اس کے ساتھیوں کو کبھی شک نہیں ہوا تھا۔ تاہم بدھ کو ایس ٹی ایف کی جانب سے گڈو کی گرفتاری کے بعد ان کی آنکھیں پھیل گئیں۔ ایس ٹی ایف نے آج گڈو کو جلپائی گوڑی کی عدالت میں پیش کیا جہاں اسے 14 دن کی ایس ٹی ایف کی تحویل میں بھیج دیا۔
اس سلسلے میں جلپائی گوڑی کورٹ کے سرکاری وکیل مرنموئے بندیوپادھیائے نے کہا کہ ایس ٹی ایف نے قتل کے شبہ میں ایک شخص کو گرفتار کیا ہے۔ جج نے پوچھ گچھ کے لیے 14 دن کی STF کی تحویل میں رکھنے کا حکم دیا۔ ایس ٹی ایف ذرائع کے مطابق ملزم گڈو نے تقریباً دو سال قبل بھارت نگر میں ایک مکان کرائے پر لیا تھا۔ وہ اپنی بیوی کے ساتھ وہاں رہتا تھا۔ بعد میں نیو جلپائی گوڑی اسٹیشن کے علاقے میں کام کرنا شروع کیا۔
مزید پڑھیں:Charles Sobhraj to be Released سیریل کِلر چارلس سوبھراج کو رہا کرنے کا حکم
ایس ٹی ایف کے ڈی ایس پی سدیپ بھٹاچاریہ نے کہا کہ گرفتار شخص اسٹیشن پر فوج اور وی آئی پی کی نقل و حرکت پر نظر رکھتا تھا۔ بعد میں خصوصی ٹیکنالوجی اور مختلف سوشل میڈیا کا استعمال کرتے ہوئے آئی ایس آئی کو خبریں بھیجتا تھا۔ کہا جاتا ہے کہ وہ سیر کے لئے کئی بار پہاڑوں پر گیا تھا۔ انہوں نے کہا کہ گرفتاری کے وقت اس کے پاس سے کوئی دستاویزات برآمد نہیں ہوئے۔ ایس ٹی ایف حکام کو اس سے پوچھ گچھ کرنے کا مناسب وقت نہیں ملا کیونکہ اسے اسی دن گرفتار کرکے عدالت میں بھیجا گیا تھا۔ تاہم ایس ٹی ایف پرامید ہے کہ حراست میں لے کر مسلسل پوچھ گچھ کی جائے تو بہت سی خفیہ جانکاریاں مل جائیں گی۔ West Bengal STF Nabs ISI Agent From Siliguri
