مغربی بنگال کے وزیر شہری ترقیاتی اور کولکاتا میونسپل کارپوریشن کے مئیرفرہاد حکیم نے بھارتیہ جنتاپارٹی پر تنقید کرتے ہوئے کہاکہ جو مذہب کے نام پر سیاست کرتی ہے اور پرُامن ریاست کونفرت کی آگ میں جھونکنے والی سیاسی پارٹی کوکچھ بھی کہنے حق حاصل نہیں ہے۔
انہوں نے کہاکہ بھارتیہ جنتاپارٹی کولکاتا میونسپل کارپوریشن گھیراو کے دوران شہرکولکاتا میں جو کچھ کیا وہ ناقابل قبول ہے۔اس سے نظم ونسق کو نقصان پہنچ سکتاہے۔
ریاستی وزپرنے کہاکہ ڈینگو ایک وبا ہے۔ اس پر قابو پانے کی بھر پور ممکن کوشش کی جارہی ہے لیکن قدرتی آفت ہے۔اس پر قابو پانے میں تھوڑا وقت لگ سکتا ہے۔ اس پر ہنگامہ آرائی کرنے کی ضرورت نہیں ہے۔
کولکاتامیونسپل کارپوریشن کے مئیرفرہادحکیم کے مطابق مغربی بنگال بھارتیہ جنتاپارٹی کے صدر اور رکن پارلیمان دلیپ گھوش کوگائے کے دودھ میں سونا نظرآتا ہے۔
انہوں نے کہاکہ جب ایک شخص کودودھ میں سونا نظرآتا ہوتو وہ کچھ بھی کہہ سکتا ہے اور کچھ بھی کرسکتاہے۔ دلیپ گھوش ذات پات کی سیاست کرتے ہیں۔
مئیرکاکہنا ہے کہ مغربی بنگال بھارتیہ جنتاپارٹی کے رہنماوں کے ذہن ڈینگو سے متاثر ہے ۔سیاسی جماعت ہی ڈینگو میں مبتلا ہے۔جوپارٹی ہی ڈینگو میں مبتلا ہے تواس کے بارے میں زیادہ کچھ کہہ نہیں جا سکتا ہے۔
انہوں نے کہاکہ کولکاتامیونسپل کارپوریشن گھیراو کے دوران بی جے پی کے حامیوں نے پرتشددمظاہرہ کیا۔انہیں پرُتشددمظاہرہ کرنے کی اجازت کس نے دی تھی۔اس پربات کرنے کی ضرورت ہے۔
واضح رہے کہ گزشتہ روز بھارتیہ جنتاپارٹی کے ریاستی صدراور رکن پارلیمان دلیپ گھوش کی نگفرانی میں کولکاتامیونسپل کارپوریشن گھیراو کے دوران بی جے پی کے حامیوں نے پرُتشدد مظاہرہ کیا تھا۔اس سے عام لوگوں کو بڑی دشواریوں کا سامنا کرنا پڑاتھا۔
