مغربی بنگال کی حکمراں جماعت ترنمول کانگریس کے جنرل سکریٹری پارتھو چٹرجی نے کہا کہ ممتا بنرجی کی قیادت میں بنگال میں کورونا وائرس اور امفان طوفان کی تباہیوں کا مقابلہ کیا جارہا ہے اور ہم مکمل مستعدی سے اس کا مقابلہ کررہے ہیں۔
خیال رہے کہ امت شاہ نے دودن قبل بنگال میں ریلی سے خطاب کرتے ہوئے کہا کہ بنگال میں تبدیلی ناگزیر ہے اور یہاں کے کلچر و روایات کو بحال کرنے کیلئے ضروری ہے کہ ترنمو ل کانگریس کو اقتدار سے بے دخل کیا جائے اور یہ کام بی جے پی کی ہی کرسکتی ہے اوراگلے اسمبلی انتخاب میں جیت حاصل کرکے رہیں گے
پارتھوچٹرجی نے کہا کہ ودیا ساگر کے مجسمے کی توہین پر خاموشی برتنے والوں کو بنگال کے کلچر اور تہذیب کی بات کرنے کا حق نہیں ہے۔
انہوں نے کہا کہ ودیاساگر کی مورتی ان لوگوں کی آنکھوں کے سامنے توڑ دیا گیا ہے۔مگر خاموش رہے اور آج وہ سنہرے بنگال کی بات کررہے ہیں۔ وہ لوگ جو سونار بنگلہ تعمیر کرنا چاہتے ہیں جنہوں نے بنگال کی ثقافت کو ختم کیا ہے۔
پارتھو چٹرجی نے کہا کہ بنگال ایک وقت کئی کئی چیلنجوں کا سامنا کررہی ہے۔کورونا بحران کے ساتھ امفان طوفان کی تباہی کا مقابلہ کررہے ہیں اور بنگال کی وزیرا علیٰ ممتا بنرجی کی قیادت میں ریاست کے عوام کو ہم راحت پہنچارے ہیں
مگر بی جے پی ریاست میں تعمیر کام کرنے کے بجائے سیاسی ووٹ بینک بڑھانے کی بات کررہی ہے۔ ترنمول کے سکریٹری جنرل نے دعویٰ کیا کہ وزیر اعلی ریاست میں بحران کو دور کرنے کے لئے انتھک محنت کر رہی ہیں مگر یہ لوگ رخنہ ڈالنے کی کوشش کررہے ہیں۔
